Jos leat fárren eará suohkanii iige fárrendieđáhus leat boahtán álbmotregistarii ovdal geassemánu 30.beaivvi, de lea ain čálihuvvon dan suohkana registerii gos leat fárren eret. Dalle fertet juogo jienastit ovddalgihtii dahje jienastit válgabeaivvi dan suohkanis gos ásset ovdal geassemánu 30.beaivvi.
Don leat čálihuvvon jienastuslohkui jos oaččut válgakoartta. Válgakoarttas oainnát guđe suohkanii don leat čálihuvvon, guđe válgabiirii gulat ja jienastanáiggiid du válgabiires. Jos it leat ožžon válgakoarta ovdal borgemánu 10.beaivvi, de berret váldit oktavuođa suohkaniin iskan dihte leat go čálihuvvon jienastuslohkui.
Muitte fal viežžat válgakoartta iežat telefovdnii ja váldde dan áinnas mielde go aiggut jienastit.
Jos du namma ii oidno jienastuslogus dahje don oaivvildat das leat eará boasttuvuođat, de sáhtát váidit. Vaidda galgá leat čálálaččat ja čilgejuvvot. Váidaga galgá sáddeŧ Dielddanuori válgastivrii, čuovvovaš čujuhussii: postboks 240, 9439 Evenskjer.
Sámedikki jienastuslohku ii leat ođasmahtton dohkkehuvvon ohcamušaiguin čálihuvvot jienastuslohkui, muhto lea biddjon geahčadeapmái nu go jienastuslohku lea suoidnemánu 10.beaivve. Sámedikki gaskabođđosaš jienastuslohku gávnnat seamma báikkis go suohkanstivra- ja fylkkadiggeválgga jienastanlohku. Lea vejolaš gáibidit ahte boasttuvuođat njulgejuvvojit nu ahte jienasteaddjit geat oaivvilda ahte sii galget leat čálihuvvon jienastanlohkui, muhto eai leat vel jienastuslogus, sáhttet gáibidit divodemiid. Dakkár gáibádusa galgá sáddet Sámediggái, poastastobe 3, 9735 Kárášjohka, dahje Sámedikki šleađgapostii: samediggi@samediggi.no.
Dielddanuori suohkana lea biddjon geahčadeapmái čuovvovaš báikkiin:
Ráđđeviesu resepšuvnnas ja Dielddanuori álbmotgirjerádjosis,
Skånlandsveien 72/74, 9440 Evenskjer/Skánik.
