Bures boahtin dialogačoahkkimii distaga, cuoŋománu 18.beaivvi diibmu 18.00.

Báiki: Paviljongen mii lea fiskes viessu Skániid skovlá duogábealde.

Dielddanuori suohkan lea álggahandásis ráhkadit Fáddaplána valáštallama, olgoeallima ja kultuvrra várás. Dán plánas lea maid mielde Olgoeallima vánddardangbálgáid plána . 

Mii čađahat dát vuosttaš dialogačoahkkima. Vi gjennomfører nå et første dialogmøte. Dán háve joavkkuiguin ja servviiguin mat barget valaštallan- ja olgoeallinsurggiin. . 

Čoahkkima áššelistu:

- Dialoga valøáštallan-, olgoeallin- ja skulturplána birra, dán vuollái maid vánddardanbálgáid plána. 

- Diehtojuohkin Ástoáiggekássa ja BUA birra. 

- Dialoga Dielddanuori suohkana areálaplána oktavuođas. 

Čoahkkimis aosálastet: Suohkanplánejeaddjit, kultur- ja álbmotvarrisvuođa ovttadatjođiheaddji, Gaska Hålogalándda Olgoeallinráđđi. 

Mii ávžžuhit buohkaid geat barget valáštallan- ja olgoeallinsurggiin, oasálastit dialogačoahkkimis. Bures boahtin. 

• Prográmma ulbmiljoavku lea eaktodáhtolaš searvvit main leat varrisvuođaulbmilat  ja mat leat dohkkehuvvon ohcansearvin Vuođđudusas Dam.  
• Vuođđudus Dam hálddaša prográmma Varrisvuođa- ja dorvodepartemeantta bealis, ja galgá doarjut áigemeari koronaguoski doaibmabijuid, maid ulbmilat leat ovddidit eallineavttuid, 
• fysalaš ja psykalaš varrisvuođa, hálddašangálgga, eallinkvalitehta dahje sosiála oassálastima. 
• Prográmmá álggáhuvvui ođđasit ođđajagimánu 2022, ja ođđajagimánu 25.b. rájes lei fas vejolaš ohcat prošeaktadoarjaga. 
• Geahča dás eanet dieđuid: Stimuleringsprogram for helsefrivilligheten

Gattiin mánát ja rávisolbmot bovdejuvvojit njoarustančuoigamiidda, čuoigamiidda, čierastallamiidda ja ovttastallamii olgun. Muitte váldit mielde čierana! Vejolašvuohta oahppat njoarustit. Biepmut guossohuvvojit maŋŋel čuoigamiid. 

Ulbmil lea eastadit ja unnidit oktovuođa ja buoridit álbmoga varrisvuođa ja eallinkvalitehta. Ulbmiljoavkkut leat nuorat ja boarraset olbmot geat leat okto dahje sáhttet vásihit oktvuođa. Eaktodáhtolaš ja ideála searvvit ja priváhtta aktevrrat sáhttet ovttas dahje ieža álggáhit doaibmabijuid. Doaibmabijuid ovdánahttojit ja čađahuvvojit ovttas suohkaniin. 

Eaktodáhtolašvuohta lea dehálaš searvebargu. Jahki lea ruohtastuvvon ráđđehusa eaktodáhtolašvuođa dieđáhussii. Eaktodáhtolaš searvvit ja ovttaskas olbmot dahket vearditmeahttun barggu, ja dán jagi áigut mii addit sidjiide erenoamáš fuomašumi.  

Eaktodáhtolašvuohta lea nu ollu; sáhttá leat oasálastin muhtun searvvis, mávssekeahtes bargu maid priváhtta olmmoš dahká jna. Ahte veahkehit muitala ahte olmmoš berošta. 

Kultur- ja álbmotvarrisvuođaovttadaga vuollái gullet girjerájus, Eaktodáhtolašvuođa-guovddáš, dearvvašeallin, mánáid- ja nuoraidbargu, kultuvra- ja álbmotvarrisvuohta, valáštallanbarggut jna. Váldde áinnas oktavuođa soapmásiin mis jos háliidat dieđihit iežat eaktodáhtolaš bargguin dahje jos dus leat oaivilat doaimmaide. Čuovo Eaktodáhtolašvuođa jagi dán liŋkka bokte:  https://frivillighetensar.no/delta-i-feiringen

Kulturmuitofoanda lea vuosttašceahkkefálaldat mii addá ekonomalaš doarjaga priváhtta eaiggádiidda ja eaktodáhtolaš servviide gáhttet gáhttenárvosaš kulturmuittuid. 

Sáhtát ohcat vaikko goas min elektrovnnalaš ohcanguovddážis. 

Mii ávvudat Eaktodáhtolašvuođa jahki rahpanbeaivvi maŋŋebárgga, ođđajagimánu 18.b, 
Kultur- ja álbmotvarrisvuođaovttadaga olbmot dollet diehtojuohkima olggobealde Ráđđeviesu dii. 15 -17 . 

Eaktodáhtolašvuođa jahki lea jo juohkán vuosttaš ruhtaseahka báikkálaš joavkkuide ja servviide mat áigot ávvudit iežaset MIN BEAIVVI. Muhto Eaktodáhtolašvuođa jahki 2022 bistet juovllat guhkit go beassážiidda, ja 2022 mielde sáhttet báikkálaš searvvit, maid váldosearvi lea válljen sin beaivin, ohcat doarjaga gitta 25 000 ruvnno rádjái ávvudan dihte báikkálaččat. Boahtte ohcanáigi lea guovvamánu 7.b., ja sáhtát ohcagoahtit ođđajagimánu 17.b. rájes.

Dás gávnnat eanet dieđuid MIN BEAIVVI birra ja mo sáhtát ohcat doarjaga.

Lea dehálaš ahte váldosearvi álggos vállje makkár beaivvi áigot ávvudit ja čalmmustahttit olles searvvi. Das maŋŋil sáhttet báikkálaš searvvit ohcat doarjaga ávvudeapmái iežaset lagasguovllus dan beaivvi maid váldosearvi lea válljen. Kaleandaris sáhtát geahččat guđe beaivvi makkárge searvi lea válljen iežaset beaivin. 

It gávnna iežat searvvi? Ii leat beare maŋŋit registreret beaivvi! Váldde oktavuođa vardag@frivillighetnorge.no oažžun dihte mo. 

Dielddanuori suohkanstivračoahkkimis juovlamánu 15.b. 2021 geigejuvvui Dielddanuori bálkkašupmi Kai Gyltnesii ja Sunniva Haukebøe oaččui fas Nuoraidstipeandda.