Dielddanuori suohkan mearridii njukčamánus váldit vuostá 30 Ukraina dorvoohcci IMDI ávžžuhusa mielde. Dielddanuori suohkan bargá doaimmalaččat gávdnat ásodagaid ja ordnet daid orrunláhkái sidjiide geat bohtet orrut min suohkanii.
Suohkan galgá leat doallosuohkan guovtti vuostáváldinbáikkide. Dáin vuostáváldinbáikkiin galget orrut oktiibuot sullii 150 dorvoohcci. Suohkan ii almmut goas dorvoohccit bohtet min suohkanii, eaige gos galget orrut; ásodagain dahje vuostáváldinbáikkiin. Dán mii dahkat suddjen dihte dorvoohcciid rievtti priváhtaeallimii. Mii sávvat min ássiiin lea ipmárdus dasa.
Buot bealit suohkanis barget dál árjjalaččat ja viidát ráhkkanahttit suohkana bálvalusfálaldagaid gohčan dihte dorvoohcciid dárbbuid ja vuoigatvuođaid.Suohkan ávžžuha servodaga fátmmastit ja rahpasit váldit vuostá sin geat bohtet min suohkanii. Buorre integreren lea dehálaš olbmo árvui ja dovdui ahte lea dohkkehuvvon servodaga beaiis. Beroškeahttá makkár dorvoohccit bohtet, de leat dat olbmot geat leat heađis ja jáhkkehahtti leat vásihan soađi maŋimus áiggi. Sii dárbbašit dovdat oadjebasvuođa, dohkkeheami ja inkluderema.
