Borasdávddain čuvvot dávjá máŋga ja iešguđetlágan čuolmma sihke sidjiide geat buhcet ja sin oapmehasaide. Máŋggaide čuožžilit geavatlaš ja ruđalaš váttisvuođat dasgo earát vuorjašuvvet fysalaš vaivviiguin dávda geažil.
Leago don dahje du lagamuččat ožžon borasdávdadiagnosa?
- Dárbbašat go hupmat muhtuniin gii sáhttá addit rávvagiid ja bagadeami?
- Leatgo vuordimin álgit dávdadivššuin vai leat go divššu vuolde?
- Vuorjašuvat go váikkugusaiguin divššus dahje váttisvuođaiguin maŋŋil divššu?
- Leatgo geargan divššuin ja leat "guovtteilmmi gaskkas" - máid dál?
- Leatgo pasieantta dahje oapmehaš geas lea váttis dilli dál?
- Leago ollu maid galggat diehtit?
Borasdávdakoordináhtorin mun sáhtán:
- Doarjut ja bagadallat váttis dilis
- Muitalit divššuid birra, ovdamearkka dihte seallamirkodivššu ja suonjardivššu birra
- Leat oktavuođalađas du, doaktára ja spesialistavarrisvuođabálvalusa gaskka, ja dárbbu mielde gaskkustit oktavuođa iešguđet fágajoavkkuiguin
- Muitalit iešguđet vuoigatvuođaid, ekonomalaš doarjaortnegiid, kurssaid, veajuidahttima, borasdávdadorvvu doarjajoavkkuid birra
- Veahkehit ja bagadallat jos dus leat iešguđetlágan váivvit, ovdamearkka dihte bákčasat, leat illáveaje, ii leat borranmiella, leat váibbas ja sullásaš.
- Veahkehit doallat bajilgova doavttirdiimmuin/kontrollain, dálkkašduođaštusas, divššuin ja nu ain
Dielddanuorri ja Evenášši suohkaniin lea goappasge 50% borasdávdavirggi. Koordináhtoris lea kantuvra Fjelldalas, ja fitná guossis siiddain goappaš suohkaniin.
Miehtá pasieantaáiggis lea borasdávdakoordináhtor olámuttos buohkaide geat buhcet borasdávddas beroškeahttá buohcci agis ja borasdávdahámis, ja buohcci oapmehaččaide.
Bálvalus lea nuvttá.
