Dearvvašeallinguovddáš Dielddanurois lea varrisvuođa ovddideaddji ja eastadeaddji suohkalaš bálvalus.
Ulbmiljoavku lea olbmot geain lea lassi riska oažžut dávdda dahje geain lea ovdánan dávda ja dárbbašit doarjaga rievdadit eallindábiid ja hálddašit varrisvuođahástalusaid.
Juste dál mii čalmmustahttit nuoraid ja nuorra rávisolbmuid min DEARVVAŠEALLIN NUORRA prošeavttas:
Jos áiggut leat mielde dearvvašeallinguovddáža áigumušain, sáhtát ieš váldit oktavuođa dahje ahte du doavttir, NAV, fysioterapevta dahje eará varrisvuođabálvalusat dieđihit du dearvvašeallinguovddážii. Dalle šiehtaduvvo goas galggat boahtit álggahanságastallamiidda dearvvašeallinkoordináhtoriin.
Guovddáža bálvalusat leat:
- DEARVVAŠEALLIN NUORAT:
ULBMILJOAVKU:
Nuorat nuoraidskovláagis geat dáhttot veahki rievdadit árgabeavviset. Sáhttet leat iešguđet sivat dasa, nugo ahte it lihkat, háliidat oahpat eanet biebmodoalu birra, dus lea fysalaš dahje psykalaš váivašumit, dahje háliidat leat mielde sosiála oktavuođain.
DEARVVAŠEALLIN NUORAT FÁLALDAGAT:
Mii álgit induviduála ságastallamiin oahpasnuvvan dihte du sávaldagaiguin ja dárbbuiguin. Soaittát háliidit dušše ságastallat moatte háve, dahje soaittát háliidat leat mielde guhkitáigge doaibma- ja bagadallanfálaldagain. Dalle lea dus vejolaš dássedit oasálastit doaibmajoavkkus. Dii válljebehtet ieža doaimmaid, sihke siste ja olgun. Mii ságastallat dađistaga duinna go dasa lea dárbu du bealis.
ÁIGI JA BÁIKI:
Áigi ja báiki lea dan duohken gii dieđiha iežas oasálastima. Min fásta báiki lea Paviljongen, mii lea duogábealde Skániid skovllá. Mii sáhttit maid soabadit doallat čoahkkimiid ja čađahit doaimmaid du orrunbáikki lahka.
Buot fálaldagat leat nuvttá.
- DEARVVAŠEALLIN 16+:
ULBMILJOAVKKU:
Nuorra rávisolbmot gaskal 16 ja 30 jagi lea rabas buohkaide geat háliidit sosiála oktavuođaid. Mii sáhttit bagadallat, addit doarjaga ja movttidahttit dasa ahte lihkadat eanet, rievdadit eallindábiid vai oaččut buore fysalaš ja psykalaš varrisvuođa.
DEARVVAŠEALLIN 16+ ADDÁ DUTNJE:
Mii álggahit vuos ságastallamiin gos mii hupmat maid don dáhtut ja dárbbašat. Das maŋŋil mii gávdnat plána mii heive dutnje. Soaitá ahte it dáhto eanet go ovtta ságastallama dahje moadde čoahkkima, dahje soaitá ahte háliidat leat mielde min vahkkosaš bagadallan- ja doaibmafálaldagain.
ÁIGI JA BÁIKI:
Mii deaivvadit vuossárggaid dii 12 - 15 Paviljongenis (Skániid skovllá duogábealde) ja min fokus lea sosiála bealit. Mis leat máŋga spealu ja doaimmat maid sáhtát geahččalit, ovdamearkka dihte VR-čalbmeláset, beavdetennis, girjjit, koartaspealut ja breahttaspealut. Min luhtte lea maid vejolaš oahppat eanet iešguđet fáttaid birra. Fálaldagat sáhttet maid viiddiduvvot dárbbuid mielde, nu go sosiála deaivvadanbáikkit, fysalaš doaimmat, ja nu ain. Mii rievdadit doaimmaid din sávaldagaid mielde, ja dat sáhttet leat sihke olgun ja siste.
Buot fálaldagat leat nuvttá.
OKTAVUOĐADIEĐUT:
Koordináhtor Glenn Hermansen, tlf. 951 08 025, šleađgapoasta: glenn.hermansen@tjeldsund.kommune.no
- DEARVVAŠEALLINFÁLALDAGAT RÁVISOLBMUIDE:
Juste dál mis eai leat dearvvašeallinfálaldagat rávisolbmuide, muhto máŋga eaktodáhtolaš joavkkuin čađahit ollu doaimmaid, ja mii veahkehat daid bagadallamiin. Olgonastinráđi bokte mii addit ekomomalaš doarjaga tuvrajoavkkuide.
Dárkileappot dieđuid oaččut váldimis oktavuođa Janne Johansen:in, tlf. 90767222, šleađgapoasta: janne.johansen@tjeldsund.kommune.no
