Dielddanuori bálkkašupmi 2021
Dielddanuori bálkkašumi njuolggadusain čuožžu earret eará: Dielddanuori bálkkašumi sáhttá juohkit ovttaskas olbmuide dahje joavkkuide ja servviide, mii lea/lea leamaš guovddážis suohkana kultureallimis, valáštallamis, eaktodáhtolašvuođas, dahje eara láhkái ánssáša oažžut gudneduođaštusa. Dielddanuori bálkkašupmi lea ruhtaskeaŋka ja čáppa govva duhppejuvvon ullus, maid Skånland Vekst lea ráhkadan. Govva symbolisere min čuoládatsáni "Ollálahkii".
Kai Gyltnes, gii dán jagi oažžu Dielddanuori bálkkašumi, lea máŋga jagi bargan eaktodáhtolaččat suohkanis, ja lea evttohuvvon barggu geažil maid son lea dahkan, erenoamážit valáštallama ovddas Dielddanuori suohkanis. Almmá eaktodáhtolašvuođa bisána Norga - dát lea dajahus mii dávjá daddjo, ja mii mearkkaša man dehálaš eaktodáhtolaš barg, mii lea eahpeávkkálaš alcces, lea vai suohkan-Norga galgá doaibmat. Lea nu dehálaš áŋgiruššat, ja máŋggas veahkehit nu máŋgga dásis ja dávjá eai boađe oidnosii. Soaitá leat juste dat oaidnemeahttun áŋgirdeaddjit, geaid berre geassit ovdan ja gudnijahttit.
Dán jagi Dielddanuori bálkkášupmi geigejuvvui Kai Gyltnesii, su máŋggajagáš, eaktodáhtolaš ángirvuođa ovddas iešguđet valáštallanservviin. Son lea veahkistis čađa bargan ollu eaktodáhtolaš doaimmaid vai albmot galgá beassat navddašit tuvrraid ja valáštallama suohkanis. Kai lea vuodján čuoiganláhtuid Ramsundas Tjeldsund IL ovddas, son lea ráhkadan buori tuvraláhtuid geasset, ja lea ođasmahttán savvon bálgáid. Son lea ohcan doarjaga iešguđet vuođđudusain ja fitnodagain, ja lea ožžon ruđaid earret eará oastit njealjejuvllat vuojána ja ávdnasa ráhkadit láhtuid. Son lea maid bargan álbmogassii, veahkkehárjehallin ja duopmárin Fjelldal IL ja SOIF ovddas. Leahket valáštallanváhnen lea dehálaš bargu, sihke earáid ja iežas manaide. Lea Silje Bysheim gii evttohii su, ja Dielddanuori ovddagoddi lea ovddidan sin árvalusa. Bálkkášumi sáhttá rámiin heŋget seaidnái, ja vuoiti sáhttá navddašit ja dovdat buori dovddu go árvvusatnet su eaktodáhtolaš barggu suohkanis. Dielddanuori suohkan giitá dan barggu ovddas maid Kai lea dahkan máŋgga jagi čađa. Mii rámidit áŋgirdeddjiid ja sávvat lihkku Dielddanuori bálkkášumiin 2021.
Nuoraidstipeanda 2021
Dielddanuori suohkana Nuoraidstipeandda vuoiti ii sáhttán ieš oasálastit go vuoitu geigejuvvui danne go vázzá skovlá Ráissas. Lei buorre so su áhčči, Finn, sáhtii váldit vuostá stipeandda su bealis. Sunniva Haukebøe lea Roabadálus eret ja oaččui dán jagáš Dielddanuori suohkana Nuoraidstipeandda. Dielddanuori suohkana nuoraidstipeandda ulbmi lea doarjut nuoraid buot surggiin siskkobealde kultuvrra, valáštallama ja nuoraidbarggu. Lea stuora illu ahte Sunniva Haukebøe oažžu dán jagáš stipeandda.
Sunniva, gii čuoiggai su vuosttáš gčuoigangilvvus ovdal go lei guokte jagi boaris, ja dan rájes lea son leamašan áŋgiris čuoigi. Sol lea vuoitán máŋgga gilvvu ja 2019 oaččui son bálkkašumi go lei Fjell čuoiganjoavkku čuoigi gii ovdánii eanemusat. Son lea ain mielde Fjell čuoiganjoavkkus, ja áŋgiruššá joatkit čuoigamiin čuoiganluohkás Ráissas. Gilvalit dán dásis mielddisbuktá ollu goluid, nu ahte stipeanda lea ekonomálaš veahkki dan oktavuođas, lassin min doaivagii ahte stipeanda movttidahttá su erenomážit joatkit čuoigamiin.
Lassin čuoigamii lea son lávlon mánáidlávlunjoavkkus ja son lea maid čiekčan spáppa máŋga valáštallansearvvi ovddas, sihke avádatjoavkkus ja birejoavkkus. Sunnivas lea daddjon leat multitaleantan ja ovddasta Dielddanuori suohkana hui buori vuogi mielde.
Mii sávvat ahte stipeanda lea veahkin ovdánahttit su attáldagaid, ja ahte son movttidahtto áŋgirdit sihke iežas ja earáid ovddas.
Mii sávvat lihkku Sunnivai ánssášuvvon stipeanddain - mii illudat čuovvut su ovddasguvlui. Lihkku sihke valáštallamiin ja eallimiin muđui.
