Sátnejođiheaddji ámmát lea ollesáigge doaibma ja sátnejođiheaddjis lea kantuvra ráđđeviesus.
Sátnejođiheaddji lea suohkana lágalaš ovddaseaddji ja geatnegáhttá iežas vuolláicállimiin suohkana buot oktavuođain gos earáide ii leat addon dakkár fápmudus.
Sátnejođiheaddji
- sáhttá mearridit áššiin main ii leat prinsihpalaš mearkkašupmi ja maidda suohkanstivra lea addán doaimmahanválddi.
- jođiha suohkanstivrra ja ovdagotti čoahkkimiid
- lea vuoigatvuohta oassálastit ja sárdnut buot eará suohkana orgánain, muhto ii leat vuoigatvuohta buktit evttohusa, iige leat riekti jienastit eará orgánain go dain maidda lea válljejuvvon lahttun.
- sáhttá dáhttut eará suohkanstivralahtuid ovddastit iežas dain orgánain maidda son ii leat válljejuvvon lahttun.
Jos sátnejođiheaddji gaskabođđosaččat geassáda iežas ámmáhis, de doaibmá várresátnejođiheaddji sátnejodiheaddjin, ja vállejuvvo ođđa várresátnejođiheaddjin. Sátnejođiheaddji sáhttá muđui dáhttut várresátnejođiheaddji doaibmat su sajis. Várresátnejođiheaddji Dielddanuori suohkanis lea Odd Are Hansen, Sosialistalaš gurutbellodat.
