Dielddanuori suohkan lea Plána- ja huksenlága §4-1 mielde ráhkadan plánaprográmma suohkanplána arealáoassái. Plánaprográmma lea máŋgga lahkái dego "plána plánii" ja galgá čilget plánabarggu ulbmila, plánaproseassa áigemeriiguin ja oasseválddiid, oasálastinplána ja guorahallandárbbuid. Ulbmil lea láhčit dili rabas plánaprosessii mii sihkkarastá viiddis ja ulbmilaš oasálastima ja fátmmasteami buot guoski beallalaččain olles proseassa vuolde. Plánaprgrámma čajeha danin mo jurddašit ođđa suohkanplána areálaoasi barggut galget čađahuvvot Dielddanuori suohkanis.
Dielddanuori suohkanstivra dohkkehii suohkanplána areálaoasi plánaprográmma geassemánu 15.b.2022 áššis SST/47/22.
