Suohkanplána servodaoassi lea lágas mearriduvvon plána (gč. plána- ja huksenlága kap. 11), mas árvvoštallaojit ollislaš guhkitáigge hástalusat, mihtut ja strategiijat suohkanservodaga dáfus ja suohkanii dego organisašuvdan. Servodatoassi galgá leat vuođđun suohkana plánaide ja doaimmaide. Dat lea maid vuođđun suohkanplána areálaoassái.
Suohkanstivra dohkkehii njukčamánu 30.b. 2022 čuovvovaš suohkanplána servodatoasi.
Suohkanplána servodatoasis leat golbma vuoruhansuorggi Dielddanuori suohkanis:
-
Ceavzilis ovdáneapmi Dielddanuoris
-
Ealáhus ja gelbbolašvuohta
-
Oadjebas ja buorre orrut ja eallit buohkaide Dielddanuoris.
Dielddanuorri 2034 rádjái
2034 rádjái háliidat mii ceavzilis ovdáneami suohkanis gos mis lea máŋggalágan viessočoahkádus, kvalitatiivvalaš ja buorre suohkanlaš bálválusat ja eanet čalmmustahttin dálkkádahkii ja birrasii.
Dielddanuori suohkanis galgá leat aktiivvalaš sadji ovdánahttimis guovllus ja bargat dan ala ahte leat geasuheaddji suohkan báikeservodahkii ja ealáhusaide. Dielddanuori suohkan galgá lahčit dili nu ahte eanandoallu ja boazoealáhus lea ceavzilis ovdáneapmi.
Dielddanuori suohkan galgá vásihuvvot leat oadjebas ja leat buorre orrun- ja eallinbáiki. Dát mearkkaša ahte mis galkgá leat iešguđetlágan astoáiggefálaldagat ja sosiála čoahkkananbáikki. Dielddanuorri galgá leat fátmmasteaddji servodat gos lea sadji buohkaide.
Ceavzilvuođamihtut leat vuođđun dán plána bargguide, Lea čađahuvvon báikkálaš dulkon ceavzilvuođamihttuin, ja daid oainnát das.
