Suohkandirektevrra bargosuorgi:
Suohkandirektevra jođiha suohkana hálddahusa ja sus lea bajit hálddahuslaš ovddasvástadus buot suohkanalaš doaimmain.
Suohkandirektevrras lea earret eará čuovvovaš mandáhta:
- Fuolahit dárbbašlaš plánema, oktiiheiveheami ja effektiviserema hálddahuslaš doaimmas.
- Leat álggaheaddjin (maŋŋil ráđđadallama ságadoalliin) áššiin maidda suohkanis lea beroštupmi. Leat son gii ásaha oktavuođaid eará almmolaš eiseválddiiguin, servviiguin, fitnodagaiguin ja olbmuiguin dakkár áššiin mat sáhttet leat áigeguovdilin.
- Doalahit obbagova suohkana ekonomalaš dilis ja reaidaruhtadilis. Jođihit ja oktiiheivehit hálddahusa bušeahttabargguid. Sus lea bajit máksámusváldi.
- Jođihit ja oktiiheivehit suohkana plánendoaimmaid ja ovddidit plánaevttohusaid.
- Fuoláhit guorahallamiid ja ovddidit mearrádusevttohusa áššiin maid ovdagoddi ja suohkanstivra galgaba meannudit ja čađahit mearrádusaid.
- Čoahkkinvuoigatvuohta suohkana lávdegottiin ja čoahkkinvuoigatvuohta ovdagottis ja suohkanstivrras.
- Raporteret ovdagoddái ja suohkanstivrii.
- Fuolahit ahte suohkana bargoveahkahálddahus čađahuvvo oadjudeaddji vuogi mielde.
- Gozihit ahte lanjat ja biergasat geavahuvvojit ulbmilaš vuogi mielde.
