Mii lea parkerenlohpi?
Parkerenlohpi doaimmashehttejuvvon olbmuide lea lohpi parkeret biilla merkejuvvon parkerensajiide lahka váldosisaboahtimiid ja vejolaš heaissa. Lohpi lea parkerenkoarta mii lea ráhkaduvvon dutnje persovnnalaččat. Ahte lea persovnnalaš mearkkaša ahte lohpi čuovvu dan olbmo geasa lea ráhkaduvvon iie vissis biilla. Geavahan dihte parkerenlobi vuoigatvuođaid, de fertet bidjan parkerenkoarta biilalásii nu ahte lea álki dan oaidnit. Parkerenlobi mielde lea dus riekti:
- Parkeret erenoamáš merkejuvvon parkerensajiide, dat mearkkaša parkerensajiide merkejuvvom doaimmashehttejuvvon olbmuide. Dat gusto buot almmolaš parkerensajiide mat leat galbejuvvon HC-mearkkain.
- Divatkeahtes ja muhtun diliin guhkiduvvon áigemearri
- Parkeret doaimmashehttejuvvon olbmuid váras parkerensajiide, maid priváhtta parkerenfitnodagat doaimmahit. Dáid parkerensajiin šattat dábálaččat máksit divada. FUOM! Divada sáhttá gáibidit dušše jos máksinčoavddus lea iniversálalaččat hábejuvvon.
Deaddil dákko lohkan dihte olles parkerennjuolggadusa
Mii gáibiduvvo oažžut parkerenlobi?
Gáibiduvvo duođaštus doaktáris boahtit dán ortnega vuollái. Oažžun dihte parkerenlobi, de gáibiduvvo ahte don sáhtát lihkadit dušše oanehis gaskka. Njuolggadus mii regulere dán, addá vejolašvuođa obbalaččat árvvoštallat jierpmálaččat ovttaskas olbmo eallindili, nuppi sániiguin ahte makkár erenoamáš dárbbut bohtet ovdan ohčamušas.
Ohcamušas oažžut parkerenlobi fertet čilget iežat parkerendárbbuid nu ahte lea čielggas gos ja man dávjá fertet parkeret. Lassin lea buorre jos čilget ahte dárbbašat go stuorat saji, ovdamearkka dihte ahte biilauksa fertet leat áibbas rabas go galggat biillas olggos dahje biilla sisa. Buot lagan doaimmat galget lea mielde parkerenkoartta dárbbu ávoštallamis.
Doavttirduođaštusas, mii galgá čuovvut ohcamuša mielde, eaktuduvvo ahe du doavttir čilge du lihkadannávccaid vuđolaččat nu ahte suohkan galgá sáhttit árvvoštallat du dárbbu ohcamuša dieđuid ektui. Soaitá leat buorre ahte leat doaktára luhtte go son deavdá ohcanskovi vai buot bealit áššis čalmmustuhttojit.
Gos ozan parkerenlobi?
Leago mus riektit oažžut parkerenlobi vaikko ieš in sáhte vuodjit biilla?
Juo, sua lea riekti parkerenlohpái vaikko ieš it vuoje biilla. Don ozat parkerenlobi mielčuovvun dahje vuoddjin. Mielčuovvun fertet aŋke deavdit parkerenlobi addingáibádusaid. Áššemeannudeaddji galgá obbalaččat árvvoštallat du eallindili gos maid váldá vuhtii ja deattuha vuoddji dili.
Koarta lea persovnnalaš ja čuovvu du, muhto dan rollas manin ožžot koartta; mielčuovvun dahje vuoddjin. Juridihkalaččat mearkkaša dat ahte it sáhte atnit koartta HC-sajis go leat mielčuovvu iežat dahje earáid biillas jos leat ožžon koartta vuoddjin. Dát gusto maid jos leat ožžon koartta mielčuovvun ja leat vuoddjin iežat dahje eará biillas.
Galggan go máksit bummaruđa go mus lea parkerenlohpi?
It dárbbaš máksit bummadivada riikka bummageainnuin go dus lea parkerenlohpi. Máŋga bummageainnu dain stuorqmus geainnuin leat čadnon bummstašuvnnaide. Fertet máksit divada bummastašuvnnaide mat galget ruhtadit geainnuid, šalddiid ja tuneallaid,
Dárbbašan go máksit biikadeahkkadivada go mus lea parkerenlohpi?
Parkerenkoartta mielde it dárbbaš máksit biikadeahkkadivada doppe gos dan leat ásahan. Go isket leatgo vuodjimen biihkadeahkaiguin, de sáhtát čájehit iežat parkerenkoartta.
