Odd-Are Hansen lea 57 jagi boaris ja lea leamaš politihkalaččat aktiiva Dielddanuoris ja Skániin guhkes áiggi badjel. Son lea bajásšaddan Deannjáviikkas Dielddanuori suohkanis, muhto fárrii eret 20-jahkásažžan 1998s. Go son gearggai ON soalddáhin Libanonas, de son orui Østlánddas gitta 2011, dalle son máhcahii Deannjáviikii fas. 2015 rájes son lea orron Hoanttasis, Dielddanuoris, ássanguimmiin. Odd-Ares lea guokte máná, 33 ja 29 jagi boarrásat, goappašagat orruba lulde. Odd-Ares lea bargovásáhusat rámbursurggiin, sihke bargin ja jođiheames, e.e. Jernia, Coop ja Rema. Sus lea maid vásáhusat gávpe- ja márkanfievrredeames. Máhcaheami maŋŋá 2011s son lea bargan eanemusat ofelažžan báikkálaš mátkeealáhusfitnodagas, muhto maiddai guolásteames ja eará doaimmain.
Odd-Are álggii suohkanpolitihkkárin SV ovddas Skániin 2015s ja lei sátnejođiheaddji 2015-2019 áigodagas. 2019 rájes son lea leamaš fásta láhttu Dielddanuori suohkanstivrras ja ovdagottis. Čavčča 2023 son válljejuvvui várresátnejođiheaddjin fas.
Odd-Are váldá ođđa ovddasvástádusa sátnejođiheaddjin hui duođasin, lea dieđusge dehálaš doaibma, muhto jurddaša seammás veahá gulul vuoruhit bargobeivviid Dielddanuori sátnejođiheaddjin. Mediagovva deattuha hui dávjá váttisvuođaide ja hástalusaide, ja dat gávdnojit, eahpitkeahttá. Muhto, mis, suohkanin, leat maid hui ollu vejolašvuođat máŋga buori bargiiguin, fiinna luondu, buori fitnodagat ja fiinna olbmot. Dielddanuori suohkanis lea buorre orrut. Ná muitala Odd-Are.
Odd-Are lea sihke sápmelaš ja norgalaš, erenoamážit sámevuohta lea leamaš dehálažžan sutnje politihkkárin Skániin/Dielddanuoris, juste dan dihte go lea leamaš dárbu. Beaivválaš áššit, árvideames, váldojuvvojit eanemus návccat ja áigi, muhto sámevuohta ánssáša, historjjálaš perspektiivvas, erenoamáš saji oaivvilda Odd-Are.
Odd-Are berošta maid lundui, álbmotvarrisvuhtii, valáštallamii ja olgoeallimii. Dat ahte suohkan maid vuoruha daid áššiid mearkkaša ollu, dat sihke nanne álbmoga varrisvuođa ja veahkeha addit suohkanii buori fuomášumi.
Mii sávvat Odd-Arii lihku sátnejođiheaddjin dan áigodahkii!
Odd-Are Hansen gaskaboddosaš sátnejođiheaddji Dielddanuoris
Dielddanuori suohkanstivra dohkkehii mánnodaga, miessemánu 6.beaivvi, sátnejođiheaddji Robin Riddersetha gaskaboddosaš friddjenohcama. Dasto šaddá várresátnejođiheaddji Odd-Are Hansen (SV) sátnejođiheaddjin, Robin Riddersetha friddjenáigodagas miessemánu 7.beaivvis gitta čakčamánu 4.beaivái. Dan seammá áigodagas lea Ridderseth válljejuvvon gaskaboddosaš várresátnejođiheaddjin.
