Mii lea nammaášši?

Ovddidit nammaášši mearkkaša álggahit proseassa mearridit báikenama čállinvuogi báikenammalága njuolggadusaid mielde.
 

Nammaášši duogáš, gulaskuddan ja mearrádus 

Sámediggi ovddidii nammaášši reivves njukčamánu 29.beaivvi 2022. Das go ášši sisttisdoalái máŋga nama máŋga báikkis suohkanis, lea Kártadoaimmahat práktihkalaš sivaid geažil juohkán namaid máŋgga áššiiide main lea iešguđet áššenummir. Namaášši ovddiduvvui mearridan dihte rievttes čallinvuogi almmolaš geavaheami oktavuođas. 

 

Ášši lei gulaskuddamis ja biddjui suohkana ruovttusiidui gulaskuddanáigemeriin geassemánu 1.beaivvi 2022, mas muhtun nammaáššit ožžo guhkiduvvon gulaskuddanáigemeari geassemánu 30.beaivve rádjái. Suohkan sáddii gulaskuddancealkámušaid Sámediggái ja Kártadoaimmahahkii. 

 

Kártadoaimmahat lea mearridan čállinvuogi čuovvovaš guovlluide: Roahpa – Grovfjord-området (19.07.2023)

Stáhta kártadoaimmahat lea mearridan čállinvuogi davvisamegillii 67 báikenamaide Dielddanuori suohkanis. Guokte nama leat dállonama, earát leat luonddunamat. 

 

  • Dielddasuolu – Tjeldøya (20.07.2023)

Stáhta kártadoaimmahat lea mearridan čállinvuogi davvisámegillii 21 báikenamaide Dielddanuori suohkanis, ja gusket leat ovcci dállonamaide ja guoktenuplohkái luonddunamaide. 

 

Mearrádus oktan tabeallain mas leat namat masa mearrádus guoská, ja eará áššeguoskevaš dokumeanttat gávnnat “Mildosat” vuolde siiddu vuolemusas.  

 

Suohkan almmuha mearrádusa dán almmuhusa bokte. 

 

Váidin 

Čállinvuogimearrádusa sáhttet báikenammalága mielde §12 váidit sii, geain §6 bustáva a-c mielde lea riekti ovddidit báikenammačállinvuogi. Áigemearri váidit leat 3 vahku dan rájes go vuostáváldi lea ožžon mearrádusa, geahča §9 báikenammalága njuolggadusain.

Jos diehtu dáhpáhuvvá almmolaš almmuhusa bokte, de álgá váidináigemearri dan beaivvi go mearrádus lea almmuhuvvon vuosttáš geardde. Sii geain lea váidinvuoigatvuohta, lea riekti geahččat áššedokumeanttaid maid mearrádusorgána lea arkiveren. Lea vejolašvuohta ohcat lobi dasa ahte mearrádus ii fápmuduvvo ovdal go váidináigemearri lea nohkan dahje váidda lea mearriduvvon.  

Vejolaš váidda sáddejuvvo Kártadoaimmahahkii kopiijain suohkanii. Váidda galgá ákkastallot ja ákkastallan galgá guoskat buot namaide dahje nammalađđasiidda maidda váidda guoská. 

  • Kártadoaimmahat:

Šleađgapoasta: post@kartverket.no

Poastačujuhus: Kartverket, Postboks 600 Sentrum, 3507 Hønefoss.

 

  • Dieddanuori suohkan gosa kopiija váidagis sáddejuvvo:  

Šleađgapoasta: post@tjeldsund.kommune.no

Poastačujuhus: Tjeldsund kommune, Postboks 240, 9439 Evenskjer.

 

Go váldá váiddašši meannudeami vuollai, de gustojit seamma meannudannjuolggadusat go nammaáššiide muđuid. Jos mearrádus doalahuvvo, de sádde Kártadoaimmahat ášši viidáset báikenammaáššiid váiddalávdegoddái, man Kulturdepartemeantta lea nammadan.