Dielddanuori suohkan addá iežas ássiide gaskal 0-100 jagi, bálválusaid máŋgá suorggis: čalbmegereseatni, eastadeaddji varrisvuođa, fysioterapiija, ergoterapiija, mánáidgárddiid, skovlláid, mánáidsuodjalusa, varrisvuođa ja dorvvu, NAV, ekonomiija, rehketdoalu, bálkkáid, bargoveaga, dokumeantameannudeami, rehkegiid čállit ja gáibidit, láigohit suohkanviesuid, orrundoarjaga, álggahanloana Viessobáŋkkus, kultuvrra ja álbmotvarrisvuođa, girjerádjosa, bierggasguovddáža BUA, čázi, duolvačázi, duopparčorgema, opmodatmihtidemiid ja opmodatjuohkima, huksenáššiid meannudeami, suohkangeainnuid doaimma ja hálddašeami ja eará.
Persondieđuid sáhttá juohkit golmma kategoriijaide:
- Almmolaš persondieđut
- Persondieđut mat leat lágas mearriduvvon jávohisvuođa vuollásaš
- Sensitiivva persondieđut
Bálvalusaid oktavuođas šaddat mii meannudit buot persondiehtokatergoriijaid min ássiin.
Dielddanuroi suohkanis lea geatnegasvuohta addit dieđuid ássiide ja suohkan galgá duođaštit mo mii meannudit persondieđuid.
Dáinna bargguin leat mii ollen guhkás ja bargu joatkkašuvvá ain.
Don sáhtát geahččat suohkana ruovttusiiddus Personsuodjalusjulggaštusat vuolde mo mii meannudit persondieđuid du birra ja mo dat meannuduvvojit iešguđet bálvalussuorggis.
