Ođastuvvon dieđut boahkuheami birra vahku 25-28

Leat ain máŋggas dain ovddit vuoruhanjoavkkuid, geat eai leat boahkuhuvvon go sii eai leat mearridan guđe áigge boahkuhuvvot ja eat oaččo sin ságaide. Oažžun dihte njuovžileabbo boahkuheami, de lea dehálaš ahte addibehtet dieđu boahkuhantelefuvdnii jos lehpet ožžon SMS-dieđu boahkuhanáiggi birra, muhto ehpet sáhte boahtit boahkuheapmái.  

Jos sáhtát boahtit jođánit boahkuheapmái maŋŋil go oaččut gohččuma (sullii 30 minuvta siste), de dáhttut mii du registreret iežat liŋkái maid oainnát dás vuolábealde. Don it masse iežat saji boahkuhanráiddus vaikko bijat iežat "oanehisáigge" boahkuhanráidui. Jos áiggut mátkkoštit geasset, de dáhttut mii ahte registreret iežat maŋŋil go leat boahtán ruoktot nu ahte vejolašvuohta boahkuhuvvot oanehisáiggis sáhttá ollášuvvot. 

Diehtu sidjiide geat leat juo registreren iežaset Helseboka:i; Registrere iežat dán liŋkka bokte https://www.helseboka.app/checkin/staff/2691033

Diehtu sidjiide geat eai leat juo registreren iežaset Helseboka:i: Registrere iežat nugo čilgejuvvom vuolemuččas dán artihkkalis. Dás oaččut gažaldaga ahte háliidat go leat "oanehisáigge" boahkuhanráiddus. 

Boahkuid maid suohkan oažžu juogaduvvojit ná;

• Sullii 10 % boahkuin biddjo varrisvuođabargiide ja skovlá- ja mánáidgárdebargiide 
• Sullii 90 % boahkuin biddjo báhcán vuoruhanjoavkkuide 

Boahkuidlogut Dielddanuori suohkanis maŋimus vahkuid 

Juhkkojuvvon boahkut suohkanii boahtte vahkuid:

• Vurdojuvvon dosat vahkku 29; 330 dosa (55 láselihtti), mas sullii 30 % manná dosa 2
• Vurdojuvvon dosat vahkku 30; 348 dosa (58 glass) , mas sullii 30% manná dosa 2

Ovddeš boahkuid juohkindilli lea ain eahpesihkar. Mii eat oaččo lassi boahkuid suoidnemánus nugo ovdal lea lohpiduvvon, ja dál leat fas dássegis juohkindilis (nugo lei ovdal geassemánus, goas juhke eanet boahkuid erenoamáš njoammuduvvon guovlluide). Sivvan dása lea ahte Norga oažžu unnit boahkuid go ovdal meroštuvvon. 

Jos háliidat boahkuhuvvot - registrere iežat helseboka:i jos leat badjel 18 jagi. 

Lea ain dehálaš ahte registreret iežat Helseboka:i jos dan it leat dahkan ovdal ja dáhtut boahkuhuvvot. 

Diehtu sidjiide geat lea ožžon gohččuma boahkuheapmái:

Mii dahttut ahte nu máŋggas go vejolaš - ja nu jođánit go vejolaš - maŋŋil go leat ožžon SMS dieđu ahte boahkut leat várrejuvvon, diŋgot boahkuhanáiggi digitálalaččat nu ahte mii sihkarastit ahte sii geat galget, šaddet boahkuhuvvot. Ale vuordde diŋgomes áiggi go oaččut dieđu. Lea maid dehálaš ahte don gii registreret iežat digitálalaččat, vuorddát ovdal go jáddadat neahttalogana dahje guođát Helseboka dassážii go oainnát ahte boahkuhanáigi duođaštuvvo. Dát danin go manná veaháš njozet registreret vuogádagas ja dalle ferte leat Healseboka siiddus. Dát maid sihkarastin dihte ahte registreren biddjo Healseboka boahkuhanáigelisttuide.

Jos it beasa registreret iežat digitálalaččat, de sáhtát jearrat veahki boahkihantelefovnnas beaivválaččat dii 09-11. Telefonnummar lea 94796421. Lea erenoamáš ollu telefovnnat gaskal dii 09-09.30, nu ahte mii ávžžuhat riŋget miehtá telefovnna ráhpanáiggis unnidan dihte vuordináiggi. 

Boahkuhanstáhtus Dielddanuori suohkanis

Rievdadan boahkuhanbáikki 

Vahkku 25 rájes čađahuvvo buot boahkuheapmi Skániidhállás Skániid skovllás. Sisamannan lea hállá siiddus mii lea mánáigárdde vuostá. Báikkis lea bures gálbejuvvon. 

Jos eahpidat gos boahkuhankántuvra lea: GPS-koordináhtat liŋkkain google-kártii čuovvu sáddejuvvon SMS-dieđu mielde. 

Registreren Helseboka:i:

Lea dehálaš ahte buohkat registrerejit iežaset Helseboka:i. Dát dahká boahkuheami doaimmaleabbon. 

Mii ávžžuhat danin BUOT ássiid badjel 18 jagi registreret iežaset Helseboka:i. Dat guoská maid sidjiide geat eai hálit boahkuhuvvot. 

Registreren Helseboka:i dahkko dán liŋkka bokte: https://helseboka.app/helseboka/checkin/staff/497294

dahje váldimis oktavuođa boahkuhantelefovnnain. 

FUOM! Jos SMS-dieđus leat liŋkka mii ii álgge https://helseboka.app dalle ii leat SMS-diehtu sáddejuvvon suohkana bealis ja dan liŋkka II GALGGA RAHPAT.