Olbmot geain lea duođaštuvvon covid-19, leat sirremis ja lagasoktavuođat leat bidjon erremii. Buohkaid čuovvolit sihke nationála ja báikkálaš ávžžuhusaid dáfus. Eai leat gávdnan ahte covid-19 lea njommon báikkálaš olbmuide. Njoammuneasttadandoavttir, njoammunguorranjoavku ja válmmasvuođajođihangoddi lea leamašan lagas ovttasbargu fitnodagain oažžun dihte kontrolla njoammuma badjel. Eat dieđe vuos gos njoammun lea vuolgán. Ii oktage sis geaidda dávda lea njommon, lea buohccán duođalaččat, muhto muhtuniin lea leamaš veaháš dávdamearkkat.
Lassin njoammumii mii lea davvin suohkanis, de lea suohkanis vel okta positiiva njoammun. Dát lea čadnon mátkkošteapmái siskkaldasat Norggas. Njoammunguorranjoavku čuovvolit su ja su lagasoktavuođaid.
Olmmoš geas lea čanasteamit Romssa Universitehttii lea maŋemuš beivviid čađahan covid-19 iskkosa ETS medisiinnalaš guovddážis. Boađus dain iskosiin lea vuoridmis lagamus beivviid.
ETS-medisiinnalaš guovddážis lea buorre kapasitehta váldit covid-19 iskosiid. Olbmot geat aiddo leat ožžon dávdamearkkaid, ávžžuhuvvojit váldit iskosa. Iskanáiggi sáhttá diŋgot helseboka bokte dahje váldimis oktavuođa pandemijatelefovnnain nummir 902 84 955.
