Romssa ja Finnmárkku fylkasuohkan lei evttohan Dielddanuori suohkana dán jagáš johtolatsihkkarvuođasuohkanbálkkášupmái. Johtolatdepartemeanta juohká jahkásaččat dán bálkkašumi muhtun suohkanii Norggas, mii lea áŋgiruššan dán suorggis.
Jury cealká ahte dán jagáš bálkkašupmi addo Dielddanuori suohkanii danin go:
Dielddanuori suohkan vuoruha johtolatsihkkarvuođa hutkalaččat ja stuora áŋgiruššamiin. Suohkan lea ožžon sadjái buori johtolatsihkkarvuođaplána maŋŋil suohkanovttastahttima 2020:s, ja leat joatkán johtolatsihkkarvuođabargguid ovddeš Dielddanuori ja Skániid suohkaniin. Plána geahččala joksat ovttaskas suohkanássi ja plána fokus lea johtolatsihkkarvuohta mánáid ja nuoraid dáfus, earret eará voruheamis skovlágeainnuid ja váibmobáikkiid. Suohkanis lea buorre ovttasbargu eará johtolatsihkkarvuođaaktevrraiguin, nu go Trygg Trafikkain, Stáhta geaidnodoaimmahagain ja fylkasuohkaniin. Dielddanuori suohkan lea buorre ovdagovva johtolatsihkkarvuođa buoridanbarggus.
Sáhtát lohkat Ráđđehusa preassadieđáhusa Ráđđehusa ruovttusiiddus regjeringen.no
Dielddanuori suohkanii geigejuvvui diploma, rásiid ja 1 miljovdnasaš šeahkka, mii galgá adnot johtolatsihkkatvuođadoaimmaide.
Sátnejođiheaddji Helene Berg Nilsen giittii suohkana bealis. Lea stuora gudni ja mii boahtit atnit dán movttidahttit joatkit dan buori ja systemáhtalaš johtolatsihkkarvuođabarggu min suohkanis.
Bálkkašumi oktavuođas bohte lihkusávaldagat ovttasbargogummiin nu go Stáhta geaidnodoaimmahagas, Trygg Trafikkas ja Politiijas.
