Danin go leat čavges duođaštannjuolggadusat diagnosii ja dálkkasgeavaheapmái, de dáhttut ahte sii, geat gullet ovtta dain joavkkuide listtus vuolábealde, váldet oktavuođa ETS medisiinnalaš guovddážiin. Guovddážis lea dárbbašlaš dieđut sin varrisvuođa birra ja sáhttet bidjat sin boahkuhanlistui oažžun dihte golammat boahku. Boahkuhankoordináhtor boahtá váldit oktavuođa singuin, geat leat dán listtus, fállan dihte boahkuhanáiggi.
Listu sin badjel geaid ávžžuhit boahkuhuvvot
Joavku 1
- Sii, geaidda lea transplanterejuvvon orgánat
- Sii, geaidda guovtti maŋimus jagis lea transplanterejuvvon áđa
- Sii, geat leat riegádan duođalaš dahje moderáhta heajos immunitehtain
- Sii, geain lea duođalaš monimušváili (viđát dásis) dahje leat aktiivvalaš dialyses
- Sii, geas lea ovdánan dahje divššakeahtes hiv-infekšuvdna
Joavku 2
- Pasieanttat, geat eará sivaid geažil leat čađaheamen mearkkašahtti immunitehtačuohci divššu.
- Pasieanttat geat geavahit immunitehtačuohci dálkásiid mat leat listtus vuolábealde maid fágamedisiinnalaš birrasat leat ráhkadan
- Borasdávdapasieanttat, mat leat áktiivvalaš divššus dahje easkka leat čađahan immunitehtačuohci divššu.
- Sis galgá leat gaskaboddosaš boahkuhanreive sierravarrisvuođábálvalusas daningo ferte dahkkot individuála guorahallan oažžun dihte buoremus ávkki boahkuheamis ja garvit dárbbašmeahttun váikkuhusaid.
- Pasieanttat, geain ovddasvástideaddji sierradoavttir átná lea duođaid heajos immunitehta ja geat eai gula guđege ovddabeale namuhuvvon joavkkuide .
- Sis galgá leat sierra boahkuhanreive sierravarrisvuođabálvalusas.
