Vuossárgga, miessemánu 15.beaivvi 2023 lei Doaimmashehttejuvvon olbmuid ráđđi geahčadeamen iešguđet ásahusaid Skániid guovddážis. Dan oktavuođas finai ráđđi Dielddanuori bátnedoavttirklinihkas, Skániid varrisvuođastašuvnnas, EDS Medisiinnalaš guovddážis, Ráđđehusviesus, Extra rámbuvrras, Skániid skovllás, ja Paviljongenis. Geahčadeapmi ii lean almmuhuvvon ovdalgihtii, muhto buot báikkis válde ráđđi bures vuostá.
Geahčadeami ulbmil lei gávdnat mo namuhuvvon ásahusat Skániid guovddážis, leat váldán vuhtii doaimmashehttejuvvon olbmuid vejolašvuođaid beassat ásahusaide.
Maŋŋil galledeami ledje ráđi lahtut duhtavačča ja ovttaoaivilis ahte lei leamašan sisdoalu dáfus rikkis ja čuvgejeaddji bargu, mas ledje maid oahppan ollu. Buot báikkiin fuomášuvvui máŋga unnit ja stuorát hástalusa muhto ráđđi lei ovttaoaivilis ahte dáid váilevašvuođaid sáhttá buoridit ja divvut almma beare stuorá goluid.
Ráđi bealis oasálaste Janne Olsen, Kristina Nilsen, Elisabet Israelsen, jođiheaddji ja Helene B. Nilsen, sátnejođiheaddji. Geahčadeamis oasálastii lassin Ivar Per Hartviksen servodat- ja infrastruktuvrra ossodagas.
Geahčadeamis galgá ráhkaduvvo raporta, mii ovdanbukto suohkana ovdagoddái ja suohkanstivrii.
