Máŋga turistta atnet ásahuvvon mátkeealáhusfitodagaid sin galledeami oktavuođas, muhto leat máŋggas geat bohtet min suohkaniidda iešalddes. Sii láigohit dávjá orrunsaji priváhtta olbmuin ja leat hárve oktavuođas mátkeealáhusin.  

Romssa politiijaguovlu dáhttu eatsadit ja unnidit uđasroassologu, ja lea seammas NVEain ráhkadan guokte plakáhta maid mii dáhtošeimmet juohkit turisttaide ja earáide geat fitnet min suohkaniin dálvvi mielde. 

Romssa politiijaguovlu dáhttu suohkaniid min guovllus veahkehit min dáinna bargguin. Mii dáhttut ahte guoski suohkanat gilvet uđasplakáhtaid buot ássiide geat láiguhit orrunsájiid, geain leat astoáiggeásodagat dahje láigohanviesuid. 

Plakáhtaid sáhttá čálihit ja heŋget oidnosii buot láigihanovttadagaide. Mii dáhttut maid láigoheaddji hupmat iežas gussiinis muohtauđasvára birra, ahte ođastuvvon uđasdieđuid gávdná Norgga luondduvárehusaid dieđihansiiddus, www.varsom.no, ja deattuhit ahte lea dehálaš lohkat buot uđasvárehusdieđuid ja identifiseret muohttagis gokko sáhttá uđas luovvanit ja maiddái dahkat tuvrraid ja johtolemiid oadjebassan. 

Diehtu guoská lihkka ollu báikkálaš olbmuide, ja sáhttá bures juogaduvvot infošearmmain, almmuhantávvaliin jna. 

Plakáhtain lea QR-koda njuolga diehtojuohkinsiidui eŋgelasgillii muohtauđasváruhusaid birra, mii gávdno www.varsom.no ruovttusiiddus ja plakáhtaid sáhttá viežžat namuhuvvon ruovttusiiddus.  

Ovddalgihtii giitu veahki ovddas.