Suohkan háliida álggos giitit buot sáddejuvvon oaiviliid ovddas areálaoassái!
Go deaddilat čuovvovaš liŋkka, de oaččut obbgova buot oaiviliin areálaoassái, maid suohkan lea ožžon. Mii deattuhit ahte oaiviliid maid suohkan lea ožžon, eai leat veil meannuduvvon. Dat meannuduvvojit go plánaevttohus meannuduvvo politihkalaččat.
Sektoreiseválddit (ovdamearkka dihte NVE, Stáhtahálddašeaddji, Sámediggi ja nu ain) leat maid ovdalaččas sádden sin oaiviliid. Deaddileams čuovvovaš liŋkka boađát dokumenttii mii čájeha buot sektoriid oaiviiliid.
Oaiviliid hálddašeapmi ja bargu ovddosguvlui
Dál leat juohke oaivil árvvoštallama vuolde ja dat biddjot dasto ovdan politihkalaš meannudeapmái. Danin ii sáddejuvvo vástádus oavilovddideaddjái earret dan dieđu ahte mii leat ožžon sin oaiviliid.
Oaivillid meannudeami šaddá vejolaš lohkat go politihkkárat meannudit areáloasi evttohusa. Dat dáida gal mannat áigi ovdal go plánaevttohus lea gárvvis min bealis.
Go plánaevttohus lea gárvvis, de biddjo dat gulaskuddamii ja almmolaš dárkkisteapmái. Dat mearkkaša ahte evttohus almmuhuvvo nu ahte buohkat sáhttet dan lohkat ja vejolaččat buktit ođđa oaiviliid dahje mearkkašumiid plánaevttohussii. Mii almmuhit namuhuvvon gulaskuddama go dat áigi boahtá. Gulaskuddan almmuhuvvo suohkana ruovttusiiddus ja facebook-siiddus, ja maiddái áviissas.
Sáhtát lohkat plánaprográmmas dahje suohkana ođasmahttinsiiddus, jos háliidat eanet dieđuid dan birra mii areálaoassi lea, mo barggut ovdánit, mielváikkuheapmi ja nu viidáset.
Muđui sáhttá váldit oktavuođa plánejeddjiiguin Trine Rønning-Nilsen (trine.ronning-nilsen@tjeldsund.kommune.no) dahje Anita Swan Olsen (anita.olsen@tjeldsund.kommune.no) jos leat gažaldagat.
