Fálaldat leat buot nuoraidskovlálohppiide Dielddanuori suohkanis. Nuoraiddeaivvadanbáikkis sáhttet buohkat deaivvadit beroškeahttá guđe skovllás leat oahppi. Sáhtát oassálastit iešguđet doaimmain, dušše ovttastallat ustibiiguin, hárjehallat, dahkat leavssuid, speallat spealuid, leat hutkái ja game't. Don ieš mearridat maid dagat.
BUA bierggasvuorka lea rabas ja sáhtát láigohit dahje geahččalit biergasiid mas gusket iešguđet olgonastindoaimmaide dahje eará doaimmaide.
Nuvttá busse
Álkkidan dihte oassálastit nuoraidfálaldagain, de leat mii ožžon prošeaktaruđaid Álbmotvarrisvuođa prográmmas, ja fállat distágaid nuvttá busse ruoktot maŋŋil skovllá ja maŋŋilgaskabeaivvi maŋŋil go Nuoraiddeaivvadanbáiki gidde diibmu 17.
Roabadálu ja Ramsund čuvvot skovlábusse mii manná Skániide.
Diibmu 17.00 mannet golbma busse ruovttoluotta Kongsvik:i, Roabadállui ja Ramsund:i. Dáid bussiid sáhtte maid geavahit oassálastit iešguđet doaimmain dahje deaivvadit iežat ustibiiguin iešguđet giliin.
Boahtte jági mii fállat nuvttá busse distagaid Paviljoŋŋenii/Paviljoŋŋenis ja BUA:i/BUA:s jos nuorat atnet viššalit dán fálaldat geahččalanáiggis, mii lea čakčamánu 12.beaivvi rájes gitta golggotmánu 31.beaivvi rádjái.
VUOLGGE MIELDE nu ahte sáhttit ásahit buori deaivvademiid.
Jos ležžet gážaldagat, váldde oktavuođa kultur- ja álbmotvarrisvuođa bargiiguin.
