Áigemearri sáddet sisa areálaoaiviliid plánaevttohussii lea miessemánu 31.beaivi. Eanet dieđut dán birra ja movt sáddet oaivilliid gávnnat suohkanplána ođasmahttinsiiddus.
Mii leat oktiičaskon suohkan ja mis leat dál guokte areálaoasi. Mihttu lea oažžut ođasmahtton plána olles suohkanii Gustojeaddji areálaoassi 2008 ja 2004 rájes lea boaris, ja lea ráhkaduvvon boares plána- ja huksenlága mielde, iige leat relevánta dála ja boahtteáigge dárbbuid dáfus.
Min servodat rievdá ja danin dárbbašit mii ođasmahtton plánaid. Suohkan háliida danin ahte buohkat Dielddanuori servodagas galget oahpasmuvvat plánabargguide nu ahte oažžut dialoga ja buori ja konstruktiivva oaiviliid ođđa areálaoasi plánabargguide.
Mii leat dál dan muttos ahte mii viežžat máhttovuođu árvvoštallan dihte evttohusaid ja sisasáddejuvvon oaiviliid plánaevttohuhushábmemii. Ii leat vuos mihkkege mearriduvvon ja mii dáhttut nu ollu oaiviliid go vejolaš nu ahte sáhttit árvvoštallat sihke ollu molssaeavttuid ja maiddái oažžut buori oaiviliid olbmuin geat dovdet guovlluid buoremusat.
Dán rádjái leat mii ožžon oalle olu oaiviliid, muhto mii dáhttut ain eanet. Oaivilat sáhttet ovdamearkka dihte leat dehálaš mearragáttiid,vejolaš ealáhusguovlluid, ođđa huksenguovlluid, guovlluid birra maid mii háliidat áimmahuššat ja nu ain.
Ii dárbbaš leat hirbmat stuora ášši maid sáddet sisa, ja juohkehaš sáhttá sáddet oaiviliid juohke guovllu birra suohkanis. Sáhtát atnit areáloaivila sisasáddenskovi dahje váldit oktavuođa plánajeddjiiguin Trine Rønning-Nilsen, dahje Anita Swan Olsen jos leat gažaldaga dahje dárbbašat bagadeami.
