Eastadan dihte lassi vahágiid ja máŋgii bistevaš vahágiid, ja fuolahan dihte geainnuid guhkit áigái, de oaidnit mii dárbbu gáržžidit geaidnojohtolaga. Lossa guorbmejohtolat girsesuddama áigodagas mielddisbuktá dávjá ahte geainnut ja geaidnovuođut gollet ollu.
Geaidnojohtolatlága § 7 vuođul mii gáržžidat áskildeattu Dielddanuori suohkangeainnuin 6 tonnii girsesuddama áigodagas. Gáržžideamit gustojit diibmu 2400 rájes gaskavahku cuoŋománu 12. beaivvi 2023.
Spiehkasteamit leat:
a) Ruvttojohtti olmmošfievrrideamit, mielkefievrrideamit dáŋkabiillaiguin, elliidfievrrideamit, gádjunbiillat, doapparčorgenbiillat.
b) Suohkanbiilat ja mášiinnat maid geavahit go divvot suohkangeainnuid.
Sierralobi eará fievrrideapmái ii addo dábálaččat jos guorpmi sáhttá juohit máŋgga osiide. Sáhttá ohcat sierralobi beassat fievrridit guorpmi man áskildeaddu ii deatte eambbo go geainnu dábálaš deattorádji dainna eavttuin ahte ohcamušas boahtá čielgasit ovdan manin ohccojuvvo sierralohpi.
Álggahuvvon huksenprošeavttat, ealáhusdolliid fievrrideamit Dielddanuori suohkanis ja dárbbašlaš fievrrideamit lassin dáidda, sáhttet leat ákkat dasa ahte suovvat losit áksildeattu.
Jos leat dakkár dárbbut, de váldde oktavuođa Dielddanuori suohkaniin šleađgapoasta bokte: post@tjeldsund.kommune.no, ja merke šleađgaposta «Aksellast».
