Dát lei ahkidis ođas mánáide, váhnemiidda, bargiide, báikegoddái ja Dielddanuori suohkanii. Positiiva bealli dán dilis lea ahte leat dušše biergasat mat leat buollan, iige leat oktage olmmoš vaháguvvan buollima oktavuođas.
25 mánáin leat mánáigárdesadji Konsvik mánáidgárddis. Mii leat buollima rájes bargan gávdnat gaskaboddosaš čovdosa mo viidáset doaimmahit Kongsvik mánáidgárddi. Johtilit válddimet oktavuođa Kongsvik Kulturviesuin gulahallan dihte livčče go vejolaš ásahit gaskabođđosaš mánáidgárddi dohko. Kongsvik Kulturviesu ovddasteddjit válde bures vuostá suohkana čoahkkimii gos suokkardeimmet livčče go dat lea vejolaš čoavddus. Lea stuora dáhttu gávdnat buori čovdosa buot guoski beliide. Guokte maŋimus beaivvi leat mii guovtte geardde diđoštallan Kulturviesu lanjaid ovttas Kulturviesu ovddasteddjiiguin, váhnemiiguin, bargiiguin ja Dielddanuori suohkanan gearggusvuođajoavkku jođiheddjiiguin. Geargguvuođajoavku lea ievttá čoahkkimis árvvoštallan Kulturviesu lanjaid ja lea gávnnahan ahte dohko lea vejolaš ásahit gaskabođđosaš mánáidgárddi dan botta go vuordit prošekterema ja huksema ođđa mánáidgárddi Kongsvikii. Unnit heivehemiid ferte dahkat ovdal go sáhttá álggáhit mánáidgárdedoaimma Kulturviesus. Dán duogáža vuođul leat mii ásahan dialoga Kulturviesuin dainna ulbmiliin ahte láigohit viesu. Suohkana dáhkadusfitnodat ferte maid dohkkehit válljejuvvon čoavddusa ahte láigohit Kulturviesu gaskaboddosaččat.
Leat máŋggas geat jurddašit goas mánáidgárddi gaskabođđosaš doaibma Kongsvikas lea sajis. Dát lea ain eahpesihkkar go dárbbašat čielggaadit muhtun beliid láigoheami dáfus. Jos ii leat vejolaš láigohit lanjaid Kulturviesus, de ferte suohkan mannat viidáset molssaevttolaš čovdosiiguin. Lassin dasa ahte oažžut gaskabođđosaš lanjaid, de fertet mii skáhpput dárbbašlaš biergasiid mánáidgárddi doibmii. Danin boahtá dat váldit veaháš áiggi ovdal go buot lea sajis. Mii doaivut ahte buori ovttasbargguin mis lea buorre fágalaš čoavddus oanehis áiggis
