Dieđihanportála:
Mii ásahit dál ođđa dieđihanportála man bokte dii, Dielddanuori ássit, sáhttibehtet addit dieđuid iešguđet dáhpáhusaid birra luoddaguorain ja suohkana viesuin/huksehusain, maid dii oavvildehtet mii fertet diehtit. Dat sáhttet leat dáhpáhusat čázi ja duolvačázi birra, geaidnovahágat, geaidnočuogvvat mat eai doaimma, váilevaš muohtaboltun, doapparčorgema birra dahje/ja eará dáhpáhusat mat gusket suohkana viesso- ja hukseshusdoaimmaide, ja nu maid váikkuha suohkana bálvalusaide didjiide.
Čoavddus lea GPS-vuđot, ja dii sáhttibehtet nannet dáhpáhusa man birra dii dieđihehpet (eaktuduvvon ahte GPS lea doiammas mobiltelefuvnnas), ja dii sáhttibehtet duođaštit dáhpáhusa govaiguin.
Dat addá vejolašvuođas ahte lehpet dárkilat, ja nu dahkabehtet vejolažžan midjiide jođánit árvvoštallat man duođalaš dáhpáhus lea.
Go lehpet dieđihan ášši, de dat registrerejuvvo ja sáddejuvvo njuolga ovddasvástideaddji ovttadahkii.
Buot dieđáhusat registrerejuvvojit ja árvvoštallojit. Man jođánit juste du dieđihuvvon dáhpáhus divuhuvvo vai maŋiduvvo go divuhuvvot, lea čadnon dasa makkár dáhpáhusa don dieđihat. Ovdamearkka dihte eai molsso eaŋkil geaidnočuovgga ovdal go leat čoggon mánga geaidnočuovgga mat eai doaimma (vissis speihkastemiiguin). Geaidnovahágiid mat sáhttet leat váralačča johtolatsihkkarvuhtii, divvot dallánaga.
Mii dáhttut ahte dii geavahehpet dieđihanportána dieđihit dákkár sullásaš dáhpáhusaid dan sadjái go sáddet šleađgapoasta midjiide.
Dieđihanportála gávnnat dás: Dieđihanportála
Váktatelefuvdna dustet suohkana viesso- ja huksehusdoaimma:
Váktatelefuvdna doaimma ja divodeami várás álggahuvvui dál čakčadálvvi. Váktaortnet leat ásahuvvon nu ahte mii galgat sáhttit hálddašit dáhpáhusaoid olggobealde dábálaš bargoáiggi ja mainna ii sáhte vuordit nuppi bargiobeaivái.
Dát sáhttá leat ahte čáhci ii golgga, suohkana duolvačáhcerevrret buđđosit/váttisvuođat pumpenstašuvnnaiguin, dulvi, fuolahit suohkana viesuid/huksehusaid, ja váilevaš muohtaboltun/sáttogilvin dálváigge.
Nappo; dáhpáhusat olggobealde dábálaš bargoáiggi maid dii árvooštallabehtet ahte ii sáhte vuordit dieđiheames nuppi bargobeaivái.
Go dii ássim, oaidnibehtet dárbbu dasa, de sáhttibehtet riŋget váktatelefovdnii, nummir: 48275109
Váktatelefovdna lea doaimmas árgabeivviid gaskal dii 15.00 ja 07.30, ja maiddái vahkkoloahpaid/bassebeivviid.
Mii dáhttut dii ieža árvvoštallabehtet ahte galgá go addit dieđu dáhpáhusa birra vai sáhttá go vuordit nuppi bargobeaivái, dahje lea go dakkár dáhpáhus man birra sáhttá addit dieđu dieđihanportála badjel. Dán mii dahkat váidudan dihte ollu dieđuid váktatelefovdnii ja nu ahte vákta oažžu daid dieđuid maiguin ii sáhte vuordit maŋit bargobeaivái.
Ja de sávvat mii ahte dii áššin, oaidnibehtet ávkki dáin doaimmain.
