Šibitdoavttirinstituhtta cuiggoda ahte eretdoalvun jápmán lottiid unnida njoammundeattu.
Lea riskka ahte allapatogena (alla dávdaiđiheaddji) loddeinflueansa sáhttá sirdit jápmán lottiin ráhtođuborri lottiide ja meahcceelliide. Jápmán lottiid eretdoalvun veahkeha unnidit njoammundeattu.
Biebmobearráigeahčču oažžu dieđuid skibas ja jápmán lottiid birra, ja árvvoštallá buot dieđuid. Biebmobearráigeahčču vuoruha iskosiid mat bohtet dakkár guovlluin gos ovdal ii leat duođaštuvvon allapatogena loddeinflueansa ja dakkár elliin main ovdalaččas ii leat duođastuvvon dát dávda. Maiddái vuoruhit iskosiid maid leat váldán guovlluin gos leat ollu biebmolottit.
Dieđu jápmán lottiid birra galgá addit Biebmobearráigehččui: Jápmán dahje skibas lottit | Biebmobearráigeahčču. Doppe gávnnat maid dieđuid makkár loddešladja lottiid, maid gávdná jápman, galgá dieđiit.
Biebmobearráigeahčču árvvoštallá galgá go iskat lea go lottiide njommen dávda, muhto lea áŋke dehálaš ahte dieđihit jos gávdná skibas dahje jápmán lottiid.
FUOM! Várut ahte ieš it gusoka dahje eretdoalvvo jápmán lottiid.
Davvi regiovnna dilli
Biebmobearráigeahčču davvi regiovnda sádde dieđuid dili birra astoáigge biebmoloddedoaluide, kommersiála biebmoloddedoaluide ja priváhtta šibitdoaktáriidda. Alla biosihkarvuohta lea deháleamos eaŋkil bealli hehtten dihte ahte dávda njoammu biebmolottiide. Danin ávžžuhit buot biebmoloddeeaiggádiid gozihit dárkilit ahte dávda ii leava. Nordlánddas, Romssas dahje Finnmárkkus ii leat vuos gielddus vánddardit olgun dahje eará gáržžideamit.
Biebmoloddedoalu registreren
Jos dus leat vuoncát dahje eará lottit, de galggat daid registreret Biebmobearráigehččui. Dát gáibádus gusto dál miehtá áigge, sorjákeahttá leago loddeinflueansa (Norggas lea ođđa elliiddearvvašvuođaláhka).
Don registreret biebmoloddedoalu go logget sisa Biebmobearráigeahču skovvibálvalusat ja válljet skovi "Nytt dyrehold"
