Evttohusat biddjojit dál gulaskuddamii báikenammalága mielde §8 gullevaš njuolggadusaiguin. 

Gulaskuddan guoská 3 evttohusreivviide oktan skoviiguin. Davvisámegiela báikenammabálvalus lea buktán álgorávvemiid evttohusaide.

  1. Álgorávven Vatnjavárguovllus / Boltåsområdet
  2. Álgorávven Sáttiidvuomguovllus ja Vuopmegeašguovllus / Sandemarkområde og Trøssemarkområde
  3. Álgorávven Dielddasullos ja Vuomis / Tjeldøya og Tjønna

Čállinvuohki árvaluvvo báikenammalága mielde §3 ja čuovvu gustojeaddji davvisámegiela čállinprinsihpaid §4. Dán paragráfas deattuhuvvo maiddái mo báikkálaš olbmot gohčodit guovlluid sámegillii. Dábálaš dovddus sánit galget liikká čuovvut gustojeaddji njuolggadusaid, láhkanjuolggadus § 4. Dielddanuori suohkan gullá durdnossámegiela oarjesuopmanii. 

Báikenammaláhka § 8 deattuha ahte báikkálaš servviin lea riekti addit cealkámuša báikenammaáššiin maidda dain lea čanastus.

Guoski beallelaččain lea riekti addit cealkámuša ovdal go ášši meannuduvvo ja mearriduvvo. Áigemearri addit cealkámuša lea geassemánu 1.b. 2022.

Vuolábealde gávnnat áššebáhpiriid.  

Cealkámuša sáddet:

post@tjeldsund.kommune.no

dahje,

Tjeldsund kommune
Postboks 240
9439 EVENSKJER

Merke cealkámuša «Samiske stedsnavn i Tjeldsund kommune» ja čujut makkár reivii dat gusto.