Lea dehálaš iskat bartta sihkkarvuođa buollima dáfus, ja Dielddanuori suohkana gearggusvuođajođihangoddi háliida muittuhit Buollinsuodjalussearvvi iskanlisttu buollima vuostá:
• Iskka suovvanjurggona juohke háve go áiggut orrut barttas.
• Fuolat ahte gávdnojit liige batteriijat.
• Fuolat ahte gávdnojit ollu dollačaskadanbiergasat barttas.
• Ale goasge guođe gintaliid buollit.
• Ale goikkat biktasiid ommana alde
• Čorge ja bálkes gunaid dohkálaččat buollima dáfus
• Jáddat buot eletrihkalaš biergasiid go guođát bartta.
• Leage liige várrogas go geavahat gássa. Iskka biergasiid ja šlaŋŋa dássedit.
• Geavat dohkkehuvvon fágaolbmuid dievodemiide mat dan gáibidit.
Mii sávvat bartaolbmuide buori beassážiid buollimiid haga.
