Dain geainnuin, main ii leat fásta govččas, sáhttá vuodjinbána hedjonisgoahtit. Dát lea šallošahtti muhto lea váttis maidge dahkat ovdal go goiket nu ahte daid sáhttá ráhput.
Hehtten dihte ahte geainnut eai billašuva vel eanet - máŋgii sáhttet billašumit leat bistevačča - ja fuolaheames daid guhkit áigái, de fertet mii gáržžidit man stuora deattuin sáhttá vuodjit dakkár geainnuid alde. Lossa deaddu girsesuddanáiggis loaktá geainnuid ja geaidnogokčasiid.
Sotnabeaivvi, njukčamánu 27.b. 2022 dii. 24 ásahuvvo Luoddajohtolatlága vuođul, § 7, gáržžideapmi áksildeattus 6 tonnii Dielddanuori suohkangeainnuide girsesuddanáiggis.
Spiehkastagat leat:
a) Ruvttojohtti olmmošfievrrideapmi, mielketáŋkafievrrideapmi, elliidfievrrideapmi, gádjunbiilla, doapparčorgenbiilla.
b) Suohkanbiillat ja mášiinnat mat atnet go divodit suohkangeainnuid.
Dábálaččat ii addo vuodjinlohpi eará fievrruide jos sáhttá juohkit gálvvu guovtti dahje máŋgga sadjái, muhtto sáhttá ohcat vuodjinlobi, gitta geainnu dábálašdeattu rádjái, dainna eavttuin ahte ohcamušas boahtá čielgasit ovdan manin ohcco vuodjinlohpi.
Álggahuvvon huksenprošeavttat, ealáhusdolliid fievrrideamit Dielddanuori suohkanis ja eará dárbbašlaš fievrrideamit sáhttet leat ákkat ahte sáhttá liikká addit lobi vuodjit losit áksildeattuin.
Dakkár dárbbuid oktavuođas sáhttá váldit oktavuođa Dielddanuori suohkaniin sleađgapoasta bokte: post@tjeldsund.kommune.no, ja merkejuvvon «Aksellast».
