Orrtnega ulbmil lea movttiidahttit eaktodáhtolaš joavkkuid ja servviid čađahit doaimmaid, ja dat guoská maid lágidemiide dahje doaimmaide maid šadde šluhttet ráđđehusa gáržžidemiid dahje rávvagiid geažil covid-19 oktavuođas. Searvi ferte leat registrerejuvvon Eaktodáhtolašvuođaregistarii jos áigu ohcat doarjaga. 

Dát ordnet gusto áigodahkii ođđajagimánu 1.b. rájes njukčamánu 31.b. rádjái 2022. Sáhttá ohcat doarjaga jos sáhttá duođaštit ahte namuhuvvon áigodagas šadde sluhttet dahje unnidit lágidemiid dahje doaimmaid báikkálaš dahje nationála eiseválddiid gáržžidemiid geažil. 

Guovvamánu 2.b. rájes geahpidedje nationála gáržžidemiid dan seammas go geažiduvvui ahte heaittihit daid maŋimus nationála gáržžidemiid guovtti vahku sisa. Maŋimus gáržžidemiid mat gustojit lágidemiide ja doaimmaide heittihedje guovvamánu 12.b. rájes. 

Čuovvovaš gusto: 

Mearrádus ahte šluhttet dahje unnidit lágidemiid ja doaimmaid galgá leat dahkkon eiseválddiid rávvagiid dahje gohččuma mielde, ja dat geahčastuvvojit leat devdon olles guovvamánu 2022 jos mearrádus dahkkui ovdal go heittihedje njoammuneastadangáržžidemiid mat váikkuhedje lágidemiide ja doaimmaide. 

Nu guhká go eai boađe ođđa nationála gáržžideamit, de sáhttá čuovvovaš čuoggát leat vuođđun oažžut doarjaga lágidemiide/doaimmaide áigodagas njukčamánu 1.b. - njukčamánu 31.b.: 

  • Jos plánejuvvo áigodagas leat báikkálaš gáržžideamit lágidanbáikkis. 
  • Nu guhká go bisuhuvvo ávžžuhus ahte joammuduvvon olbmot galget isolašuvdnii, de sáhttá lágideapmi/doaibma, man šluhtten/unnideapmi váikkuha danin go lágideaddjit, bargit jna šaddet isolašuvdnii, vuođđu oažžut doarjaga. 

Ohcanáigemearri lea cuoŋománu 20.b. 2022.

Sjekk om du kan søke

Ortnega birra

Sáhttá oažžut doarjaga mii lea 70 proseantta dohkkehuvvon ohcansupmis šluhttejuvvon dahje dievaslaččat dahje belohahkii čađahuvvon lágideamis dahje doaimmas. Sáhttá oažžut doarjaga dušše oktii ovtta lágideapmái dahje doibmii. 

Loga dávjá jerron gažaldagaid ja vástádusaid ortnega birra.

Dát ortnet lea vuođđuduvvon luohttámuša ala. Jos eahpidat maid ortnet sáhttá buhtadit, de ferte dan čielggadit ovdal go sádde ohcamuša. Gážaldagat ja vástádusat addet bagadeami muhtin konkrehta čuolmmaide. 

Loga njuolggadusaid dás.

Geahča maid ortnega birra lágideddjiide mat lágidit nationálaárvosaš valáštallamiid gos leat geahččit.

Sáhttá ohčat doarjaga:

Lassigoluide: 

  • Dii sáhttibehtet ohcat doarjaga gokčat lassigoluid sivas njoammuneastadanheivehemiid mat bohtet covid-19 gáržžidemiid, eiseválddiid rávvagiid dahje ávžžuhusaid geažil. Dat sáhttá ovdamearkka dihte leat oastit njoammuneastadanbiergasiid, liigegolut čorgemii, liige dahje stuorát lanjaid láigui dahje dárbbuide oažžut eanet bagadalliid fuolahit unnit joavkkuid.  Jos searvvis leat lassigolut mat leat čadnon eará lágideddjiid lágidemiide ja doaimmaide, de sáhttá ohcat doarjaga maiddái dasa (oassálastin guossečiekčamiin, guossegilvvuin jna). 
  • Dii sáhttibehtet maid ohcat doarjaga goluide mat dis leat leamašan danin go lehpet ovdánahttán dahje heivehan doaimmaid eiseválddiid njoammuneastadangáržžidemiid dahje rávvagiid ja ávžžuhusaid mielde. Dat sáhttát ovdamearkka dihte leat dálá fálaldagaid digitáliseren, ođđa doaimmat nugo digitála mátkefálaldagat/digitála deaivvadanbáikkit, gealbolokten bágadalliin ja eaktodáhtolaččain digitaliseremis ja njoammunsuodjalmeais dahje háválaš olggosgolut mat leat dárbbašlačča nuppástuhttit doaimma.  

Lágidemiid unnit sisaboađuide:

  • Dii sáhttibehtet ohcat doarjaga jos dis leat duohta unnit sisaboađut lágidemis go bušeteren covid-19 geažil. Dat sáhttá ovdamearkka dihte leat unnit sisaboađut vuovddekeahtes bileahtain, parkeremis, lahpesgávppis dahje kioskagávppis. Dát gusto sihke šluhttejuvvon ja belohahkii čađahuvvon lágidemiide. 
  • Jos lehpet massan máksobargguid šluhttejuvvon dahje belohahkii čađahuvvon lágidemiid geažil, de sáhttibehtet ohcat doarjaga jos dis leat unnit sisaboađut go bušeterejuvvon. 
  • Dii ehpet sáhte ohcat doarjaga jos ehpet leat ožžon miellahttomávssuid, dábálaš hárjehallanmávssuid, liseansamávssuid, sponsor- dahje reklámamávssuid dahje ruhtaskeaŋkkaid. 

Unnit sisaboađut eará čilgejuvvon doaimmain main livčče leamaš guossemávssut dahje láigosisaboađut: 

  • Čilgejuvvon doaibma lea fáláldat mii livčče leamaš rabas gussiide gustojeaddji áigodagas. Sáhttá ovdamearkka dihte leat museat, akvariáhtat, kinot dahje valáštallanrusttegat. Sáhttibehtet ohcat jos dis lea leamašan áibbas dahje belohahkii gitta áigodagas. 
  • Dii sáhttibehtet ohcat doarjaga jo lehpet mássán gehčiidmávssuid dahje láigosisaboađuid. Láigosisaboađut sáhttet leat láiggut huksehusain, rusttegiin, barttain, vanccain dahje eará lánjain. 

Ii addo doarjja: 

  • Vátnon miellahtto-, dábalaš hárjehallan-, liseansa-, sponsor- ja reklámamávssuid dahje ruhtaskeaŋkkaid ovddas. 
  • Doaimmaide/lágidemiide mat leat dahje maid sáhttá gokčat searvvi dáhkidanortnegiin, šiehtadusain jna dahje almmolaš covid-19 buhtadusain olggobealde dán ortnega. 
  • Doaimmaide mat ovddidit miellahtuid priváhtta ruhtaberoštumiid. 
  • Huksehus- rustegiid- ja opmodatgoluide ja daid divodangoluide. 

Searvi mii lea konkursameannudeami vuolde, ii sáhte ohcat doarjaga dán ortnegis.