Ovddit vahkku ii lean dábálaš doaibma guovddážis, ja lea leamaš ráddjejuvvon doaibma gos doaktárat leat veahkehan olbmuid telefuvnna dahje video bokte.
Dielddanuori suohkan lea dán heahttedilis ožžon doavttirbálvalusveahki Hársttáid suohkanis, ja Hárstták joatká veahkeheames dárbbašlaš varrisvuođavehkiin vahku 5 ja 6. Dielddanuori suohkan giitá ipmárdusa, veahki ja buorredáhtolašvuođa ovddas Hársttáid suohkanis dán váttis dilis. Dielddanuori suohkana ássit váldet, nu go dábálaččat, oktavuođa báikkálaš doavttirkantuvrrain ETS medisiinnalaš guovddážis go lea dárbu, eaige váldde njuolga oktavuođa Hársttáid suohkaniin.
Lea dehálaš oažžut doavttirbálbalusa johtui fas nu jođánit go vejolaš min ássiide Dielddanuoris ja ássiide Evenáššis. Lea leamaš hástaleaddjin gávdnat dohkálaš lanjaid gosa sirddihit doavttirguovddáža, ja máŋga iešguđet čovdosat leat árvvoštallon. Maŋemus geahčadeami ja čoahkkima maŋŋil ođđajagimánu 28.b., lea suohkandoavttir árvalan ráđđeolbmái gosa gaskaboddosaččat fárrehit ETS medisiinnalaš guovddáža.
Suohkana huksehus Fjelldalas (huksehus lea ovdal doaibma doavttirkantuvran ja varrisvuođastašuvdnan) gos siidabálvalusas ovttas earáiguin leat lanjat, lea ávžžuhuvvon ja válljejuvvon leat buoremus čoavddusin gaskaboddosaš doavttirkantuvran suohkana ássiide/pasieanttaide ja bargiide. Huksehus lea Strandveien 170, seamma sisavuodjimis go Buollinskovlá. Čoavddus mielddisbuktá siskkaldas sirdimiid maid buot bealit dorjot ja man birra lea dieđihuvvon buot beliide. Ráđđeolbmás ja suohkanhoavddain lea leamaš lagas ovttasbargu váldosuodjalusáittardeddjiin ja leamaš čoahkkin suodjalusáittardeddjiin ja guoski luohttavašolbmuiguin ášši oktavuođas.
Mii fertet rehkenastit ahte šaddat joatkit ráddjejuvvon doaimmaiguin maiddái vahkku 5 ja vejolaččat maid vahkku 6.
Mii šallošat daid váttisvuođaid ja hástalusaid maid dát mielddisbukta min ássiide.
Ođđa dieđut bohtet maŋŋelaš.
