Čohkkimis leigga SOIF bealis stivrajođiheaddji Dag-Jøran Olsen ja heaibunsearvvi jođiheaddji Marcus Birkestrand, ja Dielddanuori suohkana bealis leigga ráđđeolmmái Torbjørn Simonsen ja suohkanhoavda Grete Jacobsen.
Čoahkkimis lei ságastallan dili birra mii lei čuožžilan ja oktavuođa- ja gulahallanproseassa ja áviisačállosiid birra. Goappaš bealit leigga ovttaoaivilis ahte ášši ja proseassa livčče sáhttán dahkat eará láhkai. Negatiivva áviisačállosat eai ávkkut searvvi dahje suohkana positiivvalaččat.
Ráđđeolmmái evttohii čovdosa mo gokčat SOIF heaibunsearvvi dárbbuid hárjehallanlanjaide. Dielddanuori suohkanii lea dehálaš ahte suohkanis gávdno viiddis ja iešguđetlágan aktivitehttafálaldagat mánáide ja nuoraide. Dál ii geavahuvvo Paviljongen, Skániid skovllá bálddas, masage. Ovdal geavahedje Paviljongena lanjaid skovlálatnjan 1.-4. luohkáide. Dál, go eai leat loahpalaš ja guhkesáigge plánat masa geavahit Paviljongen Skániid skovlá bálddas, sáhttá SOIF láigohit lanjaid doppe, álgovuoru vuos 1.8.2023 rádjái. Das maŋŋil árvvoštallo guhkidit láigodilálašvuođa jahkái áin hávalis.
SOIF oažžu dál fálaldaga láigohit 100m2 hárjehallanlanjaid Paviljongena boarreset oasis, vai heaibunsearvi fas jođánit sáhttá álggahit hárjehallamiid.
Ráđđeolmmái fuolaha ahte láigosoahpamuš čállo vai searvi beasá álggahit hárjehallamiid jođánepmosit. Dárbbašlaš ja plánejuvvon buollinsihkkarvuođa viesus ferte čađahit ovdal go lanjaid sáhttet geavahišgoahtit hárjehallamidda. Barggut plánet buollinbearráigeahču ja lanjaid válbmen leat jo boahtán bures johtui.
SOIF lea duhtavaš dakkár čovdosiin ja illuda fas álggahit hárjehallamiid heaibunsearvvi lahtuide nu jođánit go vejolaš. SOIF ja Dielddanuori suohkan geahččaba dál ovddosguvlui!
