Siviilasuodjalus iská dieđihanrusttegiid ođđajagimánus ja geassemánus juohke jagi. Signála sáddejuvvo golmma ráiddus maid gaskkas lea minuhtta. Signála mearkkaša ahte galggat ohcat dieđuid ovdamearkka dihte rádios, TVas, áviissain, eiseválddiid neahttasiidduin ja sosiála mediain.
Miehtá rikkas leat sullii 1 250 tyfovnnat mat galget dieđihit álbmogii ahte lea fáhkka várra. Dieđihanrusttegat sáhttet geavahuvvot sihke ráfi- ja soadiáigge.
– Ráfiáigges sáhttet dieđihanrusttegat geavahuvvot earret eará industriijalihkuhisvuođa oktavuođas go lea mirkkolaš dahje eará váralaš ávnnasluoitin. Soađiáigge sáhttet rustegat geavahuvvot fallehanbalu oktavuođas, dadjá direktevra Elisabeth S. Aarsæther DSBas.
Eanet dieđut: Loga olles ášši dás: https://www.dsb.no/nyhetsarkiv/2022/sivilforsvaret-tester-tyfonene-12.-januar/
