Gaskavahkku lei mis drop-in fálaldat, ja dalle bijaimet 60 boahku, Maiddái dán vahkku boahkuheimmet ássiid geat ovdal eai lean boahkuhuvvon. Mis leat ollu boahkut ja sávvat ahte ain eanet olbmot váldet oktavuođa álggahan dihte boahkuheami.
Dán vahkku boahkuhat mii dušše vuossárgga.
Gaskavahkku 29/12 lea mis drop-in gaskal dii. 10-14.30. Dát guoská didjiide geat ožžo nuppi boahku ovdal borgemánu 11.b. Guoská maid dutnje gii háliidat oažžut vuosttaš boahku, dahje vuorddát nuppi boahku ja lea mannan unnimusat 4 vahku dan rájes go ožžot vuosttaš boahku.
Mis leat doarvái boahku buohkaide geat bohtet drop-in áigge, ja ávžžuhit danin din ahte buohkat eai boađe oktanaga vai ehpet dárbbaš čuožžut ráiddus go mii rahpat.
Boahkuhanstáhtus suohkanis ássiid badjel geat lea badjel 18 jagi (mii šallosat ahte logut maid almmuheimmet ovddit vahku ledje boastut);
Dosa 1: 89,6 % suohkana ássiin lea ožžon vuosttaš boahku
Dosa 2: 87,5 % suohkana ássiin leat ožžon nuppi boahku
Dosa 3: 37,4 % suohkana ássiin leat ožžon goalmmát boahku (eatnasiat sis leat badjel 65 jagi)
Mii sáddet dađistaga SMS oktan liŋkkain áigegohččumii, sidjiide geat sáhttet boahkuhuvvot goalmmat boahkuin (nappo unnimus 20 vahku dan rájes go ožžo nuppi boahku). Dán vahkku sáddejuvvo SMS sidjiide geat ožžo nuppi boahku ovdal borgemánu 11.b. Jos ožžot nuppi boahku ovdal suoidnemánu 31.b. ja ii leat ožžon SMS, de sáhtát váldit oktavuođa vaksiidnatelefovnnain. Nummir lea 94 79 64 21. Rabas gaskal dii 09-11 vuosárggaid, gaskavahkuid ja duorastagaid.
