Dat ođđa omikronvariántta njoammu jođáneappot go deltavariánta. Vásahusat koronaepedemiijas dán rádjái lea ahte virusvariánttat mat njommot jođánit, levvet buot riikkaide, maiddái Norgii. Hehtten ja ájihan dihte njoammuma Norggas, ásahuvvojit máŋga ođđa doaibmabiju.
Dat ođđa doaibmabijut leat:
- Errenáigi guhkiduvvo 5 beaivvis 7 beaivái sidjiide geain lea positiivva iskkosboađus ja geaidda jáhkket omikron-variántta lea njommon.
- Geatnegahtto erremii 10 beaivái lagasolbmuide, geat orrot seamma viesus ja seammasullásaš lagas olbmuide, geaidda jáhkket omikron-variántta lea njommon. Sis gáibiduvvo ahte váldet PCR-iskosa nu jođánit go vejolaš, ja 7.beaivvi errenáiggis. Jos lea negatiivva iskkosboađus 7.beaivvi, de sáhttá erren loahpahuvvot.
- Ásahuvvo iskangeatnegasvuohta eará lagasolbmuide jos jáhkket sidjiide lea njommon omikronvariántta. Sii galget váldit PCR-iskosa nu jođánit go vejolaš gaskal 3. ja 7.beaivvi maŋŋil go leat leamaš lagas oktavuohta, ja vejolaččat garvit lags oktavuođa earáguin dassážii go vuosttáš iskosa boađus lea negatiiva.
- Buot doaibmabijut gusket buohkaide beroškeahttá sin boahkuhanstáhtus.
- Geatnegasvuođaid heaittihit jos maŋŋil duođaštuvvo ahte njoammun ii lean omikron-variántta.
Doaiibmabijut leat fámus ja leat lassin doaibmabijuide sisriikii boahtima oktavuođas, maid ráđđehus ásahedje lávvardatija.
Ođđa nationála ávžžuhusat:
- Geavahit njálbmesuoji go lea oktavuohta varrisvuođa- ja dorvobálvalusain.
- Geavahit njálbmesuoji kollektiivajohtolagas, taksis, rambuvrrain ja gávpeguovddážiin gos ii leat vejolaš doallat gaska earáide.
- Dásset váldit iskosiid skovlámánáin dain guovlluin gos njoammun leavvá ja lea stuora noađđi varrisvuođa- ja orvobálvalusas.
- Suohkanat ja bargoaddit gos njoammun lassána ja lea stora noađđi varrisvuođabálvalusas, fertejit árvvoštallat geavahišgoahtit ruovttukantuvrra. .
Skábmamánu 25.b. fertejit buohkat geat bohtet Norgii olgoriikas, registreret iežaset ovdal go bohtet Norgii, dát guoská maid norgga stáhtalahttuide. Loga eanet dás.
Gaibadusat váldit iskosa go boahtá Norgii ja erren leat maid čavgejuvvon - loga eanet dan birra: Råd og regler ved innreise til Norge
– Dat ođđa virusvariánta deattuha ahte lea dárbbu boahkuhit jođánit vuosttaš ja nuppi boahku buohkaide geat eai leat boahkuhuvvon, ja bidjat ođastanboahku sidjiide geat galget dan oažžut. Boahkuheapmi ferte vuoruhuvvot, dadjá Kjerkol.
"Bearatgoddelahtut ja seammásullásaš lagas olbmot" definišuvdna (FHI)
Dát bohtet lassin doaibmabijuide maid ráđđehus ásahit vuossárgga skábmamánu 29.b. goahcan dihte omikronvariántta njoammuma.
– Suohkanat gos njoammun lassána ja stuorat noađđi varrisvuođa- ja dorvobálvalusas berrerjit lassin árvvoštallat dárbbu iežas ja čavgadat báikkálaš doaibmabijuide. Suohkanat berrejit ovttastahttit regiovnnalaččat go nu lea dárbu, dadjá varrisvuođaministtar Ingvild Kjerkol.
