Suohkan ávžžuha jienasteddjiid geat leat mearridan maid jienastit, jienastit ovdagihtii ovdagihtii jienastanáigodagas, mii bistá gitt čakčamánu 10.b. rádjái nu ahte eai šatta guhkes jienasteaddjiidráiddut válgabeaivvi.
Jos don dávddaid dahje doaibmahehttejumi geažil it sáhte boahtit suohkana jienastanbáikkiide, de sáhtát váldit oktavuođa suohkaniin dál juo nu ahte mii bures sáhttit plánet du jienasteami iežat siiddas. Ohcan válgastivrii gávnnat dás
Jienasteaddjit geat aiddo leat ožžon vuoiŋŋahatváttuid ja/dahje dávdamearkkaid
Gehpes covid-19 dávdamearkkat sáhttet leat váttis earohit eará vuoiŋŋahatváttuin. Olbmot geat aiddo leat ožžon vuoiŋŋahatváttuid ja/dahje dávdamearkkaid eai galgga jienastit dábálaš válgabáikkiin. Sii berrejit leat ruovttus dassážii go dearvvašvuođadilli lea buorre ja čuovut iskkosrávžžuhusaid. Dalle go dovdet sii leat dearvašat ja sis ii leat šat feber ja vejolaš iskkosboađus lea negatiiva, de sáhttet sii jienastit dábálaš válgabáikkiin. Jos sis ii leat vejolaš dahje eai astta vuordit jienastemiin, de galget sii jienastit seamma ládje go jienasteaddjit geat leaat erremis.
Jienasteaddjit sirremis
Olbmot geain lea duođaštuvvon covid-19, galget leat sirremis. Dat seamma guoská sidjiide geat leat erremis ja dovdagohtet covid-19 dávdamearkkaid. Jienasteaddjit geat leat sirremis, berrejit nu guhkás go vejolaš vuordit jienastit dassážii go leat dearvvasmuvvan ja beassan sirremis. Maŋimus áigodaga ovdal válgga, lea láhččon nu ahte jienasteaddjit sirremis sáhttet jienastit ruovttus. Jienasteaddjit geat eai sáhte mannat dábálaš jienastanbáikkiide sivas covid-19 sirregeatnegasvuođa, sáhttet ohcat válgastivrras ahte besset jienastit ovdagihtii doppe gos orodit. Ohcamuš ferte leat boahtán suohkanii ovdal dii 10 bearjadaga ovdal válgabeaivvi. Guoská vuosttažettiin jos leat čálihuvvon eará suohkana jienastuslohkui.
Jienasteaddjit geat eai sáhte mannat dábálaš válgabáikkiide covid-19 sirrengeatnegasvuođa geažil, sáhttet ohcat válgastivrras ahte besset jienastit válgabeaivvi doppe gos orodit. Ohcamus ferte leat boahtán suohkanii ovdal dii 10 válgabeaivvi.
Jienasteaddjit erremis
Jienasteaddjit erremis berrejit vuordit jienastemiin nu guhká go vejolaš, ja dassážii go leat dearvasat ja loahpahan errema. Jienasteaddjit geat leat geatnegahtton erremii covid-19 geažil, galget válgabeaivvi jienastit heivvolaš báikkis mearriduvvon válgastivrras. Nu go njoammundilli dá lea, de mearkkaša dat ahte jienasteapmi čađahuvvo olggobealde válgabáikki dan botta go jienasteaddji čohkká biillas olggobealde válgabáikki. Jienasteaddji ferte ovdalgihtii váldit oktavuođa suohkaniin nu ahte válgamielbargit sáhttet ráhkkanit čađahit jienasteami olggobealde jienastanbáikki ja maiddái fuolahit dárbbašlaš njuolggadusaid njoammuneastadeami dafus.
Jienasteaddjit erremis Covid-19 geažil ja geat eai sáhte mannat válgabáikkiide, sáhttet ohcat válgastivrras beassat jienastit ovdalgihtii doppe gos orodit. Ohcamus galgá leat boahtán suohkanii ovdal dii 10 bearjadaga ovdal válgabeaivvi. Guoská vuosttažettiin jos leat čálihuvvon eará suohkana jienastuslohkui.
Jienasteaddjit erremis Covid-19 geažil ja geat eai sáhte mannat válgabáikkiide, sáhttet ohcat válgastivrras ahte besset jienastit válgabeaivvi doppe gos orodit, Ohcamuš galgá leat boahtán suohkanii ovdal dii 10 válgabeaivvi.
Dielddanuori suohkanis sáhtát jienastit ovdagihtii čuovvovaš báikkiin:
Dielddanuori álbmotgirjerádjosis, Skániin
Vuossárgga, gaskavahkku, bearjadaga dii. 10.00 - 15.00
Maŋŋebárgga ja duorastaga dii 12.00 - 19.00
Lassin sáhttá jienastit ovdagihtii čuovvovaš báikkiin mearriduvvon áiggiid:
Dielddanuori álbmotgirjerádjosis, filiála Ramsund
Maŋŋebárgga, čakčamánu 7. b. dii 12.00 - 15.00
Sáhtiin orrun ja bálvalusguovddážis
Gaskavahkku, čakčamánu 8.b. dii 15.00 - 17.00
Fjelldal fuolahusguovddážis
Gaskavahkku, čakčamánu 8.b. dii 15.00 - 17.00
Roabadálu orrun- ja bálvalusguovddážis
Duorastaga, čakčamánu 9.b. dii 15.00 - 17.00
Kløverheimen, Kongsvik
Duorastaga, čakčamánu 9.b. dii 15.00 - 17.00
