Son, geas lea duođaštuvvon covid-19, lea leamaš gávpašeamen Vinmonopolas Skániin lávvardaga, suoidnemánu 10.b. gaskal dii 12.00 - 13.00, ja maiddái Coop Extras Skániin distaga, suoidnemánu 13.b. gaskal dii. 11.00 – 12.00.
Mii dáhttut buohkaid geat leat leamaš dien guovtti gávppis namuhuvvon beivviid ja áigodaga, ahte leat erenoamáš áiceš nuorvo- dahje influeansadávdamearkkaide. Jos dovdá dávdamearkkaid, de lea dehálaš ahte váldá iskosa nu jođánit go vejolaš.
Jos lea eahpesihkar, galgá váldit oktavuođa pandemiijatelefovnnain.
Pandemiijatelefovdna: 90 28 49 55
ETS medisiinnalaš guovddáš: 770 89565 (vuossárggas-bearjadahkii). Geahča muđui dán neattasiiddu http://www.etsmedisinskesenter.no/praktisk-info/abningstider/
Njoammunstáhtus Dielddanuoris muđui
1 positiivva iskkos 14/7 2021, mas leat 5 lagasoktavuođa
2 lagasoktavuođa njoammumis Evenáššis
1 lagasoktavuohta njoammumis Hársttáin
1 lagasoktavuohta girdimátkki oktavuođas Gardemoenis Evenáššái 9/7
Mii muittuhat muđui ahte lea erenoamáš dehálaš čuovvut dábálas njuoammuneastadannjuolggadusaid. Doala unnimus mehtera gaskka earáide ja basa giđaid dahje geavat giehtaspriita dávjá.
Váldde iskosa jos dus leat nuorvo- dahje influensalágan dávdamearkkat dahje jos leat eahpesihkar dasa. Muitta ahte galggat leat erremis dan rájes go válddát iskosa dassážii go oažžut negatiivva vástádusa iskosis.
Jos iskosa vástádus lea positiiva, de galggat mannat isolašuvdnii ja čuovvut daid ávžžuhusaid maid njoammuneastadandoavttir dahje njuommuneastadanjoavku mearrida.
