Lea árvvoštuvvon ahte badjelaš 100 000 ássit Norggas eai hálddaš digitála čovdosiidda,ja danin eai sáhte geavahit  www.helsenorge.no ja digitála koronasertifikáhta. Fuolahan dihte daid ássiid, lea Álbmotdearvvašvuođainstituhtta (FHI) ovdánahttán web-applikašuvnna mii dahká vejolažžan Helfo áššemeannudeddjiide veahkehit olbmuid geat eai hálddaš digitála čovdosiid, ja geat telefovnna bokte váldet oktavuođa korona diehtojuohkintelefovnnain. 

 

Duorastaga rájes sáhtát don gii it geavat jierbmetelefovnna, dihtora dahje dihtorduolbosa, oažžut koronasertifikáhta sáddejuvvot poasta mielde.

Bálvalusa sáhtát geavahit jos leat boahkuhuvvon dahje dávda ii bastte dunnje maŋŋil go das leat buohcan.  

 

Sertifikáhtta lea guovtti oasis:

  • Koronasertifikáhtta sisriika atnui
  • Koronasertifikáhtta rasttidan dihte EU ahje EEO-guovllut rájáid. 

 

Dárbbašit go buohkat koronasertifikáhta?

Don it dárbbaš koronasertifikáhta eará jos áigguit mátkkoštit riikkain gos gáibiduvvo koronasertifikáhtta beassat riikii, beassan dihte erremis go baođát Norgii, dahje jos háliidat oasálastit stuorat doaluin dahje lustamátkeskiippas masa gáibiduvvo koronasertifikáhtta. 

Go manat www.helsenorge.no siidui, beasat iežat digitála koronasertifikáhttii. Olbmot geat eai hálddaš digitála čovdosa, sáhttet geavahit fápmodusčovdosa Helsenorge siiddus oažžun dihte veahki prentet sertifikáhta, mii álo lea fámus.   

Mii ávžžuhat ahte buohkat geat sáhttet, geavavhit digitála čovdosa. 

Geassemánu 24.b.rájes sáhttá maid váldit oktavuođa Helfo:in oažžun dihte veahki čálihit sertifikáhta mii sáddejuvvo du almmolaš poastačujuhussii. Geahča eanet dieđuid birra vuolábealde. 

 

Leat máŋggas geat váldet oktavauođa oažžun dihte veahki. Vai olbmot, geain eai leat eará molssaeavttut, galget oažžut veahki, de ávžžuhuvvojit sii geain lea vejolašvuohta geavahit digitála čovdosiid, ahte sii dan dahket. 

Digitála koronasertifikáhtta www.helsenorge.no siiddus ođasmahtto automáhtalaččat, ja dat lea čađat fámus 90 beaivvi. Sáhtát viežžat iežat digitála koronasertifikáhta iežat mátketelefovdnii dahje dihtordulbasii. Ii leat dárbu čálihuvvon sertifikáhttii jos dus dat lea digitálalaččat. Jos aŋkke dáhtut čálihuvvon sertifikáhta, de mii dáhttut ahte don dan ieš ordnet. 

 

Mo oažžut veahki go ii hálddaš digitála čovdosiid, ja mii gustogođii duorastaga rájes: 

  • Ane sadjosis iežat riegádannummira dahje d-nummira 
  • Riŋge korona diehtojuohkinnummirii:

Rahpanáigi dii 08.00 – 15.30, vuossárggas bearjadahkii 

Norggas: 815 55 015

Olgoriikkas: +47 21 89 80 42

 

Áššemeannudeaddji boahtá jearrat dus riegádan- dahje d-nummira, ja dáhttu du muitalit iežat nama ja du almmolaš čujuhusa. Jos namma ja čujuhus maid muitalat, eaba leat dat seamma go dat mii čájehuvvo Helfo almmolaš álbmotregisteris, de dađi bahábut it oaččo sáddejuvvot koronasertifikáhta. Dalle fertet valdit oktavuođa álbmotregisteriin čielggadan dihte makkár dieđut sis leat registrerejuvvon du birra. 

 

Jos dus lea gustojeaddji koronasertifikáhtta, de dat sáddejuvvo dutnje poasta mielde.  

Fuomaš ahte sáhttá mannat vahkku ovdal go oažžut sertifikáhta, danin don it oažžo sáddejuvvot koronasertifikáhta negatiivva antigena jođániskosiid vuođul dannego iskosiid boađus gusto dušše 24 diimmu. 

 

Don fertet ieš váruhit ahte dus álo lea dohkálaš koronasertifikáhtta, mii gusto 90 beaivve čálihan beaivvi rájes.