Ná sáhtát leat mielde dán jagáš čorgemis
Buohkat sáhttet leat mielde čorgemis mearragáttiid, čorget dal okto, ovttas bearrašiin, skihpáriiguin, bargoskihpáriiguin dahje servviin/joavkkuin.
Dálá pandemiija geažil eat ávžžuhuvvo ahte ollu mánát ja rávesolbmot čoahkkanit ja čorgejit. Jos lehpet joavku dahje searvi geat čorgebehtet, de fertebehtet váldit duođalaččat njoammuneastadannjuolggadusaid, registreret oasseválddiid eanet go 20 olbmo, doalahit mehtera gaskka ja ahte gávdno giehtabassanspriihta sadjogis.
Go HRS searvá Oarje-Romssas, de lea mis jáhkku ahte mii ollet čorget ja jávkadit ollu maritiima ruskkaid min čáppá mearragáttiin. Dielddanuroi suohkan searvá!!.
https://ryddenorge.no/ sáhtát registreret iežat čorgendoaimma 😊 Buohkat geat leat registrerejuvvon leat mielde vuorbádeamis 5000 ruvvo dán jagáš gádderiddárii 2021.
HRS juohká doapparseahkaid ja čohkke daid maŋŋil go čorgen lea čađahuvvon. Ulbmil lea čorget nu ollu go vejolaš min suohkana mearragáttiid. Mii leat ásahan sajiid gosa sáhttá guođđit ruskkaid ja dáhttut din doalvut ruskkaid dáidda báikkide.
- Skániid skovlábiire: buot ruskkaid ferte doalvut Skjærranii.
- Steinsland/Guhtanášši guovlu: buot ruskkaid ferte doalvut Skjærranii.
- Sáhtiid skovlábiire: lástejuvvo ja dolvojuvvo káijái Sáhtiin
- Roabadálu skovlábiire: Huset ved haven jorggihanbáikki doapparčohkkehahkii
- Kongsvik skovlábiire: Klungnesveien jorggihanbáikái
- Ramsund skovlábiire: Doapparlihttiide Ramsundšalddi lahka (Dielddasullo bealde)
- Fjelldal: Teknihkalaš ossodahkii Fjelldalshøgdas
- Myklebostad: Myklebostad jorggihanbáikái
- Tjeldnes: Tjeldnes jorggihanbáikái
Doapparseahkaid oažžu go váldá oktavuođa Eaktodáhtolašguovddážiin, ja rámbuvrrain suohkanis oažžu maid doapparseahkaid. Buot ruskkaid maid čohkke, galgá guođđit ásahuvvon čohkkenbáikkiide gos HRS daid viežžá maŋŋil go čorgen lea loahpahuvvon. Searvva čábbudahttit mearragátti, searvva giđa álbmogassii čorgemii.
Jos lea mihkkege mii lea eahpečielggas, váldde oktavuođa Lailain Eaktodáhtolašguovddážis 😊
Šatta gádderiddár
Maiddái dán jagi vállje HRS vuoiti juohke suohkanis, mat šaddet Jagáš Gádderiddár. Leat searvvit/joavkkut (main lea organisašunsnummar) mat leat searvan dán jagáš čorgemii ja almmuhan iežaset čorgendoaimma ryddenorge.no bokte.
Vuoiti juohke suohkanis oažžu sihke diploma ja 5000 ruvdnosaš ruhtavuoittu iežas jovkui/searvái.
HRS sávvá maiddái oažžut govaid čorgemis. Govaid sáhttá sáddet dán sleđgapoastačujuhussii avfall@hrs.no. HRS vállje vuoitogova, ja govvejeaddji oažžu 1000 ruvnno gova ovddas.
Vuolgit čorgemátkái?
Dán jagi lea HRS ja Midtre Hålogaland Friluftsråd:s buorre ovttasbargu In the same boat, mii leat searvi mii mátkkošta miehtá rittu čorgen dihte sajiid gosa leat váttis beassat.
In the same boat lea juo álgán čorgendoaimmas, ja boahtá fas ruovttoluotta čákčat joatkit čorgema.
Dás sáhtát veahkehit!
- Háliidat go leat sin mielde čorget dahje leat go dus cavgileamit nuoskkiduvvon sajiide?
Váldde oktavuođa Kim Ingebrigtsen:in Midtre Hålogaland Friluftsråd;s, kim.ingebrigtsen@narvik.kommune.no / 957 35 102
- Jos háliidat čorget saji gosa ii beasa biillain, de sáhttá In the same boat viežžat ruskkaid.
Dan sáhtát dahkat miehtá geasi ja gitta gaskamuddui čakčamánu. In the same boat boahtá maŋimus geardde min regiovdnii čakčamánus/golggotmánus. Čorgejuvvon ruskkaid ferte danin čohkket ja dieđihuvvot buori áiggis.
Sihkkaraste ruskkaid dálkki ja bieggaid hárrái. Bija áinnas geađggi seakaid ala. Ruskkaid ferte maid sihkkarastit meara dáfus ja biddjot ollu bajábeallái ullirájá. Várut ahte seahkat leat bures čuolbmaduvvon. Várut maid ahte ii leat makkárge biebmu seahkkaid siste. Dalle lea buoret doaivva ahte lottit ja eará eallit eai beroš ruskaseahkain.
Dieđit iežat ruskkavuorkká dán liŋkka bokte: https://www.levendehav.no/depot/
Du čorgemis lea ávki
Juohke áidna asfaltbihttá mii čorgejuvvo, lea ávkin lundui ja birrasii.
Giitu go searvvat maiddái dán jagáš čorgendoibmii!
Jos dárbbašat eanet dieđu, de gávnnat dan HRS.no
