Leat máŋga suohkana mat oasálastet ovdánahttinbarggus mii galgá ovddidit álbmoga psykalaš varrisvuođa ja eallinárvvu. Vuoruhuvvon ulbmiljoavku lea mánát ja nuorat. Ivgu, Sážžá, Hárstták/Dielddanuorri ja Romssa gávpot leat geahččalansuohkanat Romssas.
SFO Nuorra Systemáhtalaš fágaidrásttideaddji ovttasbargu nuoraid oasálastimiin
Duogaš
Maŋggá bealis bargojuvvo oažžut eanas nuoraid ollašuhttit joatkkaskuvlla jo váldit oahpu danin go oahppu lea erenoamáš dehálaš eallinárvui, eallindábiide ja dávdariskkaide eallimis maŋit áiggis. Seammáš oaidnit mii ahte skuvlaheaitin regiovnnas lea stuoris ja ahte máŋga nuora rahčet psyhkalaš varrisvuođain. Hárstták ja Dielddanuori suohkana leaba ásahan ovttasbarggu Giehtavuona ja Ivvárstádik suohkaniin guorahallan dihte:
Mo sáhttit mii fágarásttideaddji ovttasbarggu bokte ja viiddis oasálastimiin nuoraid bealis váikkuhit dasa ahte eanet nuorat Oarje-Romssas vásihit sii hálddašit eallima ja buori psykalaš varrisvuođa?
Doaimmat
Ovttasbargosuohkanat leat mearridan oasálastit jođiheaddjiovdánahttinprográmmas Mpower Forandringhuset AS bokte dego oassin nuoraid oasálastinbarggus.
Njeallje nuora leat válljejuvvon juohke suohkanis, geat besset oasálastit ja ovddastit iežaset suohkaniid prográmmas.
Suohkaniid nuoraidbargit, geat bures dovdet nuoraidbirrasa, leat válljen oasálasti nuoraid sihkarastin dihte viidodaga ja movtta sin gaskka. Mpower lea čoahkkananvuđot ovdánahttinprográmma mii čađahuvvo dábálaččat 3 vahkkoloahpa badjel. Juohke oasseváldi lea iežas persovnnalaš rávvejeaddji suohkanis, geainna beassá individuálaččat ságastallat. Rávvejeaddjiortnet manná bálddalagaid miehtá jođiheaddjiovdánahttinprográmmain. Maŋŋil čoahkkanemiid galget oasálastit čađahit hárjehallanbarggu.
Hárjehallanbargu nuoraide geat oasálastet Mpower:s álbmotvarrisvuođaprográmmas, galgá gieđahallat prošeavtta čuolmmaid, ja viiddis oasálastima bokte leat mielde ovdánahttit báikkálaš doaimmaid.
Maid háliidat mii joksat 2021
15 nuora galget čađahit Mpower-prográmma, ja oahppu galgá evaluerejuvvot. Nuorat galget Mpower ja čuovvovaš hárjehallanbargguid bokte bidjat konkrehta plánaid čađahit bargobajiid (workshops), man boađus galgá leat nuoraidgulaskuddan. Plánejuvvon nuoraidgulaskuddama ulbmil lea vástidit konkrehta gažaldagaid mat leat čatnon hástalusaide regiovnnas. Maŋit jagi mielde galget máŋga nuora buot njealji geahččalansuohkaniin oažžut buori ipmárdusa báikkálaš hástalusain ja oažžut vejolašvuođa leat mielde ovdánahttit konkrehta doaimmaid.
Dás sáhtát lohkat eanet Álbmotvarrisvuođaprográmma birra Romssas
Álbmotvarrisvuođaprográmma oktavuođaolbmo Dielddanuori suohkanis:
Jođiheaddji Kultur- ja álbmotvarrisvuohta Janne Johansen
Mánáid- ja nuoraidkoordináhtor Linn-Eva Sæter
