Dát lea šallošahtti, muhto leat váttis dahkat maidege ovdalgo luottat goiket nu ahte daid sáhttá heavvalastit.
Eastadeames lassi vahágiid - máŋgii bistevaš vahágiid - mii fertet bákkus gáržžidit johtolaga luottain.
Lossa guorbmejohtolat luottain girsesuddama áigodagas mielddisbuktá dávjá ahte sihke luottat ja luoddavuođut gollet beare haga.
Luoddajohtolatlága vuođul §7 mii gáržžidat aksildeattu suohkana luottain 6 tonnii girsesuddama áigodagas. Gáržžideamit gustojit gaskavahkku njukčamánu 31.b. rájes 2021 dii 16.00.
Spiehkasteamit leat:
a) Ruvttojohtti olmmošfievrrideamit, mielkefievrrideapmi dáŋkabiillaiguin, elliidfievrrideamit, veahkkebiillat, doapparčorgenbiillat
b) Suohkana biilat ja mášiinnat maid geavahit go divodit suohkana luottaid.
Sierralobi eará fievrrideapmái ii addo dábálaččat jos guorpmi sáhttá juohkit máŋgga oassái, muhto sáhttá ohcat sierralobi dainna eavttuin ahte ohcamušas boahte čielgasit ovdan manin ohccojuvvo sierralohpi.
Álggahuvvon huksemat, ealáhusdolliid fievrrideamit Dielddanuori suohkanis ja dárbbašlaš fievrrideamit lassin dáidda, sáhttet leat ákkat dasa ahte suovvat losit aksildeattu.
Dakkár dárbbuid oktavuođas, váldde oktavuođa Dielddanuori suohkaniin, ovddemustá šleađgaboasta bokte čuovvovaš čujuhussii: post@tjeldsund.kommune.no
Gáržžideamit gustojit dassážii go heaittihuvvojit ođđa almmuhusa bokte.
