Ulbmil doarjagiin lea ráhkkanahttit suohkaniid vai buorebut sáhttet veahkehit báikkálaš fitnodagaid maidda báikkálaš dahje nationála njoammueastadandoaimmat leat čuohcan erenoamáš garrasit.
Ortnet galgá doaibmat maiddái dego sihkkarvuođaventiila suohkaniid bealis buhtadan dihte báikkálaš fitnodagaid mat oalát dahje belohahkii leat gahččan olggobeallái dáblaš buhtadusortnegiid. Suohkanat galget geavahit ruđaid báikkálaš fitnodagaide mat leat erenoamáš garrasit váikkuhuvvon čavges njoammueastadandoaimmaid geažil.
Dát guoská doarjagii mii:
- Buhtada báikkálaš fitnodagaid goluid dahje táhpa njoammueastadandoaimmaid ja giddemiid geažil.
- Doarju mátkeealáhus-, lágidan- ja guossohanfitnodagaid
- Eará fitnodagaid mat iešguđet sivaid geažil gahččet olggobeallái dábálaš buhtadusortnegiid.
Suohkaniin lea stuora friddjavuohta heivehit dasa makkár fitnodagaid doarjut vuhtiiváldimis báikkálaš dili.
Vuoruheamit:
1. Mátkeealáhus-, lágidan- ja gossohanfitnadagat
2. Earát
Meroštallanvuođđu lea gálvojohtu 2020 buohtastuhtton gálvejođuin 2019. Ohcamušas ferte dieđihit leago ožžon koronadoarjaga eará ortnegiin.
Ohcci rehketdoalli ferte duođaštit čálalaččat gálvojođu táhpa. Dieđut ohcamušas geahčastuvvojit leat almmolaš dieđut.
Doarjjaohcan sáddejuvvo sierra skoviin man gávnnat regionforvaltning.no vuolde. Ovdagoddi meannuda ohcamušaid. Ohcanáigi lea cioŋománu 25.b. 2021.
