Lea vuordimis ahte eanet olbmot mátkkoštit beassážiid oktavuođas, ja ráđđehus lea rievdadan covid-19 njuolggadusain § 5 errenhoteallaortnega birra. Rievdadusat šaddet gustovažžan njukčamánu 19.b. 2021 rájes. Váldonjuolggadus maŋŋil dáid rievdadusaid lea ain ahte mátkkosteaddjit Norgii leat geatnegahtton čađahit errenáiggi errenhoteallas, muhto leat mudden makkár joavkkut sáhttet spiehkastit dán geatnegasvuođas ja man guhká iešguđet joavkkut galget orrut errenhoteallain.
Deháleamos rievdadus lea ahte olbmot geat orrot dahje geain lea bistevaš orrunsadji Norggas, ja geat bohtet Norgii maŋŋil dárbbašmeahttun olgoriikamátkki, galget orrut errenhoteallas dassážii go sáhttet čájehit negatiivva bohtosa iskosis mii lea váldon áramusat 3 beaivvi maŋŋil go lea boahtán Norgii. Loahppaáiggi erremis sáhttá dalle čađahit iežas viesus dahje eará heivvolaš orrunbáikkis mii deavdá gáibádusaid covid-19 njuolggadusain § 5 bustáva a dahje c. Jos lea leamáš dárbu čađahit mátkki, de ferte čájehit dakkár duođaštusa go rasttilda ráji.
Loga eanet mátkkošteami birra Norgii ja ahte eambbosat fertejit orrut errenhoteallain
Dás gávnnat dieđuid min lagamus errenohoteallain Hársttáin ja Áhkánjárggas
