Rehketdoallu lea fievrriduvvon netto doaibmabohtosiin, mii čájeha sullii 13,3, miljovnna ruvnno vuolláibáza. Álgovuolgga bušeahta hárrái plániimet 15,8 miljovnna ruvnno vuolláibáza, ja muddejuvvon bušeahtas fas 4,9 miljovnna ruvnno vuolláibáza.
2020 speadjalastá duohtavuođas boares Dielddanuori suohkana doaimmaid + boares Skánik suohkana doaimmaid + suohkaniid oktiičaskima + Covid-19 pandemiija + lahttudeami sámi hálddanšanguvlui. Mii leat maid 2020 máksán stuora loahparehkegiid mat gullet 2019 rehketdollui, ja mii leat min čorgenbarggus ráhkkanahttit ja ásahit ođđa suohkana, máksán rehkegiid mat mielddisbuktet vuolláibáza rehketdollui.
Mii eat leat dán rádjái nu dárkilit mannan rehketdoallologuid čađa, ja leat muhtun rehketdoallopoasttat mat čájehit seastima ja eará poasttat fas vuolláibáza, ja nu váikkuhit bohtosii. Ráđđeolmmái lea čađat čielgasit dadjan ahte jahki 2020 boahtá leat geahččalanjahki ja ahte bušeahtta ii lean áibbas riekta, nu ahte leat dehálaš dárkkuhit dan vel oktii. 2020 ovddas ii mearriduvvon ekonomalaš heivehemiid ođđa suohkana hárrái, iige mearriduvvon čađahit ekonomalaš seastindoaimmaid. Seastindoaimmaid ferte čađahit ovddas guvlui ekonomiijaplánaáigodagas.
Analysain mat dál galget čađahuvvot, ferte guorahallat ahte leago bušeahtta leamaš beare čavga (beare optimisttalaš). Dát gusto erenoamážit variašuvnnaide álgovuolgga bušeahta, muddejuvvon bušeahta ja rehketdoalu gaskka. 2.teriála hárrái orru leamen ahte mii bijaimet beare optimisttalaš prognosa.
Ráđđeommái áigu jahkedieđáhusatis vuđolaččat čilget 2020 rehketdoallujagi.
Dás sáhtát lohkat eanet sisaboađuid ja goluid loguid ja konkrehta erohusaid birra.
