Maŋŋit sotnabeaivve eahkes oaččui suohkan dieđu ahte leat 14 ođđa positiivva iskkosbohtosa. Dál leat guorramin gos njoammun boahtá, muhto juste dál eat dieđe das eanet.
Fitnodaga bealis leat álggahan čuovvovaš doaibmabijuid:
- Buvttadeami lea gidden dassážii go dilli lea čielgaseabbot.
- Lanjaid leat desinfiseremin ja bassamin.
- Buot bargiin leat váldán iskosiid.
- Olbmuid geain lea positiiva iskkosboađus leat biddjon sirremii.
- Njoammunguorran lea álggahuvvon.
- Dialoga válmmašvuođajođihangottiin.
Válmmašvuođajođihangoddi čuovvu dárkilit dili ja das lea buorre dialoga fitnodagain. Juste dál ii álggahuvvo makkárge erenoamáš doaibmabiju báikkegottis, muhto sáhttá leat áigeguovdilin dan dahkmaŋit áiggis. Válmmašvuođajođihangoddi ávžžuha geavahit njálbmesuoji go lea Roabadálus jos ii sáhte doalahit mehtera gaskkaearáide. Muđui ávžžuhuvvo čuovvut dábálaš njoammueastadanrávvagiid.
Dielddanuori suohkanis lea buorre iskankapasitehta covid-19 hárrái. Buohkat geai aiddo leat vásihit vuoigŋanváttisvuođaid ávžžuhuvvojit váldit iskosa. Ráhpanáigi váldit iskosiid viiddiduvvo dárbbu mielde. Olbmot geat háliidit váldit iskosa sáhttet diŋgot áiggi helseboka bokte dahje riŋget pandemiijatelefovnna 90284955.
Jearaldagat dili birra sáddejuvvo sleađepoastain čuovvovaš čujuhussii: beredskap@tjeldsund.kommune.no.
Válmmašvuođajodihangotti bealis
Torbjørn Simonsen
