Boahkuhanfálaldat dáhkko Ráđđehusa/Álbmotdearvvašvuođainstituhta vuoruhemiid mielde. Eará sániiguin, ahte mii vuoruhit agi ja riskajoavkkuid mielde ja ahte studeanttat vuoruhuvvojit seamma ládje go eará ássit, eaige vuoruhuvvo ovddabeallái earáid vaikko vulget eará suohkanii studeret (ii guoská studeanttaide geat studerejit olgoriikkas*).
Álbmotdearvvašvuođainstituhtta ávžžuha buot studeanttaid ávkkastallat fálaldaga koronaboahkuhuvvot vuosttaš dosain dan suohkanis gos leat čálihuvvon álbmotregisterii, vaikko mearkkaša ahte fertejit mátkkoštit ruoktot. Dát lea jođáneamos vuohki oažžut vuosttáš boahkuhandosa. Jos eai hálit dán, de ožžot fálaldaga ahte boahkuhuvvojit goappaš dosaiguin studerensuohkanis. Dárkkis studerensuohkana ruovttusiidduin maid galggat bargat nu ahte beasat boahkuhanráidui.
Muitte ahte lea dehálaš boahkuhuvvot goappaš dosain nu ahte buoremusat suddjejuvvon korona vuostá.
Lea dehálaš ahte studeanttat eai váldde vuostá boahkuhanfálaldaga iežaset ruovttusuohkanis jos eai áiggo boahkuhuvvot doppe. Dán sáhttá dahkat guovtti vuogi mielde;
- Registrere ođđasit Helseboka:i https://helseboka.app/helseboka/checkin/staff/49729
Dás attát dieđu ahte it áiggo boahkuhuvvot. Dalle biddjot eret boahkuhanráiddus.
- Riŋge boahkuhantelefovdnii ja jeara veahki beassat eret boahkuhanráiddus.
*Jos leat studeantta olgoriikas, váldde oktavuođa boahkuhantelefovnnain jos háliidat boahkuhuvvot.
Boahkuhantelefovdna 94796421. Rabas árgabeivviid dii 09-11
